ગંભીર બીમારીથી પીડિત છે ઇરફાન ખાન,કહ્યું-મારા માટે પ્રાર્થના કરો

બોલિવૂડ એક્ટર ઇરફાન ખાને ટ્વિટર પર એક પોસ્ટ શેર કરી છે, જેને જોઇ લાગી રહ્યું છે કે તે ગત દોઢ મહિનાથી કોઇ ગંભીર બીમારી સામે ઝઝુમી રહ્યો છે. જો કે ખુદ ઇરફાને (51) આ મામલે ખુલીને કઇ કહ્યું નથી પરંતુ મીડિયાને કહ્યું છે કે તે અટકળો ન લગાવે. આવનારા અઠવાડિયા અથવા 10 દિવસમાં તે ખુદ આ મામલે પોતાની વાર્તા સંભળાવશે.
પોસ્ટમાં ઇરફાને લખ્યુ, ‘કેટલીક વખત તમે એક ઝટકાને કારણે ઉંઘમાંથી ઉઠી જાવ છો. ગત 45 દિવસ મારૂ જીવન એક સસ્પેન્સ સ્ટોરી જેવુ રહ્યું હતું. જે થોડુ-ઘણુ હું જાણુ છુ કે રેર સ્ટોરીની તપાસ કરતા-કરતા મને રેર બીમારી થઇ ગઇ’ ‘મે ક્યારેય હાર ન માની અને હંમેશા પોતાની પસંદ માટે ફાઇટ કરી. મારો પરિવાર અને મિત્ર મારી સાથે છે અને અમે તેમાંથી બહાર નીકળવાનો પુરો પ્રયાસ કરી રહ્યાં છીએ’ ‘અમારા પ્રયાસો વચ્ચે કૃપયા કોઇ રીતની અટકળો ન લગાવો, કારણ કે એક અઠવાડિયા અથવા 10 દિવસની અંદર જ્યારે તપાસ કોઇ જગ્યાએ પહોચશે, હું ખુદ પોતાની વાર્તા તમને સંભળાવીશ, ત્યારસુધી મારી માટે પ્રાર્થના કરો’