National Film Awards: 70મા રાષ્ટ્રીય ફિલ્મ પુરસ્કારો (રાષ્ટ્રીય ફિલ્મ પુરસ્કાર 2024)ની જાહેરાત કરવામાં આવી
આજે 16 ઓગસ્ટના રોજ, 70મા રાષ્ટ્રીય ફિલ્મ પુરસ્કારો (રાષ્ટ્રીય ફિલ્મ પુરસ્કાર 2024)ની જાહેરાત કરવામાં આવી હતી. આ વખતે પ્રશાંત નીલની ફિલ્મ KGF જીતી છે. તેણે બે કેટેગરીમાં એવોર્ડ જીત્યા છે. રિષભ શેટ્ટીને ફિલ્મ ‘કંતારા’ માટે બેસ્ટ એક્ટરનો એવોર્ડ મળ્યો હતો. જ્યારે નિત્યા મેનન અને માનસી પારેખે શ્રેષ્ઠ અભિનેત્રીનો એવોર્ડ જીત્યો હતો.
View this post on Instagram
સાઉથની ફિલ્મ માટે નિત્યા મેનનને એવોર્ડ મળ્યો હતો
અભિનેત્રી નિત્યા મેનેનને વર્ષ 2022માં રિલીઝ થયેલી દક્ષિણ ફિલ્મ તિરુચિત્રંબલમ માટે શ્રેષ્ઠ અભિનેત્રીનો રાષ્ટ્રીય પુરસ્કાર મળ્યો હતો. આ ફિલ્મમાં તેની સાથે સાઉથ એક્ટર ધનુષ લીડ રોલમાં હતો. આ ફિલ્મ 18 ઓગસ્ટના રોજ સિનેમાઘરોમાં રિલીઝ થઈ હતી. ફિલ્મની વાર્તાની સાથે દર્શકોને ધનુષ અને નિત્યાની જોડી પણ પસંદ આવી હતી.
View this post on Instagram
માનસી પારેખને ગુજરાતી ફિલ્મ માટે એવોર્ડ મળ્યો હતો
માનસી પારેખને 2023ની ગુજરાત ફિલ્મ કચ્છ એક્સપ્રેસ માટે શ્રેષ્ઠ અભિનેત્રીનો રાષ્ટ્રીય પુરસ્કાર મળ્યો હતો. આ એક ડ્રામા ફિલ્મ છે, જેનું દિગ્દર્શન વિરલ શાહે કર્યું છે. તેમાં રત્ના પાઠક શાહ, માનસી પારેખ, ધર્મેન્દ્ર ગોહિલ, દર્શિલ સફારી અને વિરાફ પટેલ મુખ્ય ભૂમિકામાં છે. તે પાર્થિવ ગોહિલ અને માનસી પારેખ દ્વારા નિર્મિત છે અને કોકોનટ મૂવીઝ રીલીઝ દ્વારા વિતરિત કરવામાં આવી છે.
