અલ્લુ અર્જુન અને રશ્મિકા મંડન્ના અભિનીત ફિલ્મ ‘પુષ્પાઃ ધ રાઇઝ’ 2021ની સૌથી મોટી હિટ ફિલ્મોમાંની એક છે. આ ફિલ્મે બોક્સ ઓફિસ પર 350 કરોડ રૂપિયાથી વધુની કમાણી કરી હતી. ‘પુષ્પા’નો જબરદસ્ત ક્રેઝ સર્વત્ર જોવા મળ્યો હતો. તેના ગીતોથી લઈને સંવાદો સુધી દરેકના હોઠ પર આવી ગયા. ‘પુષ્પા’ની સફળતા બાદ ફિલ્મના આગામી ભાગની રાહ શરૂ થઈ ગઈ છે. હવે ફેન્સ માટે એક સારા સમાચાર આવ્યા છે. ફિલ્મનું શૂટિંગ શરૂ કરતા પહેલા ટીમે પૂજા કરી હતી. આ દરમિયાન ડાયરેક્ટર સુકુમાર સહિત અન્ય લોકો હાજર હતા.
‘પુષ્પા’ સમગ્ર દેશમાં તેના ક્રેઝ સાથે પાન ઈન્ડિયામાં સફળતા મેળવવામાં સફળ રહી છે. આ ફિલ્મને બોલિવૂડમાં પણ ભારે સફળતા મળી હતી. હિન્દી સંસ્કરણે 100 કરોડથી વધુનું કલેક્શન કરીને અલ્લુ અર્જુનને સમગ્ર ભારતનો સ્ટાર બનાવ્યો છે. ફિલ્મનો પહેલો ભાગ જોયા પછી, ઘણી હસ્તીઓએ અલ્લુ અર્જુન અને સુકુમારની જોરદાર પ્રશંસા કરી હતી. આ પછી, ચાહકો ફિલ્મના બીજા ભાગનું શૂટિંગ શરૂ કરવા માટે લાંબા સમયથી રાહ જોઈ રહ્યા હતા. હવે પ્રોડક્શન હાઉસે આ સારા સમાચાર શેર કર્યા છે.
'PUSHPA' TEAM IS BACK, POOJA HELD… #AlluArjun. Director #Sukumar. Producers #MythriMovieMakers. Composer #DSP… The winning combination is back with #Pushpa2: #PushpaTheRule… Glimpses from the pooja ceremony held today… Filming begins soon. pic.twitter.com/8lnYVd4sTz
— taran adarsh (@taran_adarsh) August 22, 2022
સોમવારે સવારે, નિર્માતાઓએ બહુપ્રતિક્ષિત ‘પુષ્પા ધ રૂલ: પાર્ટ 2’ ની પૂજા વિધિ શરૂ કરી. અલ્લુ અર્જુન વિદેશમાં છે. જેના કારણે તે પૂજામાં હાજર રહી શક્યા ન હતા. સિક્વલનું શૂટિંગ ટૂંક સમયમાં શરૂ થશે. તેની વાર્તા સુકુમાર દ્વારા લખવામાં આવી છે અને મૈત્રી મૂવી મેકર્સ દ્વારા બનાવવામાં આવી રહી છે.
પુષ્પાના ઓફિશિયલ સોશિયલ મીડિયા પેજ પરથી પૂજા દરમિયાનની તસવીરો શેર કરવામાં આવી છે. આ સાથે કેપ્શનમાં લખ્યું છે કે, ‘#PushpaTheRule હાઇલાઇટ્સ ઓફ પૂજા સેરેમની.’
