પાર્ટીઝ માટે રિલીઝ થયું ‘Race 3’ નું સોંગ

સલમાન ખાનની ફિલ્મોના પાર્ટી સોંગ્સની ફેંસ હંમેશાથી રાહ જોતા હોય છે. સલમાનના સોંગ પર દરેક ઉંમરના લોકો ડાંસ કરવા પર મજબૂર થઇ જતા હોય છે. આજે સલમાન ખાનની મોસ્ટ અવેટેડ ફિલ્મ ‘Race 3’ નું એક નવું સોંગ પણ રિલીઝ થયું છે. ‘Race 3’ નું સોંગ ‘પાર્ટી ચલે ઓન’ રિલીઝ થઇ ગયું છે. તેને ખુદ સલમાન ખાને તેમના ટ્વીટર એકાઉન્ટ પર શેયર પણ કરી છે. આ સોંગમાં ફિલ્મની પૂરી કાસ્ટ નજર આવી રહી છે અને ગજબની કોરિયોગ્રાફી કરવામાં આવી છે. આ સોંગને સલમાન ખાનની કથિત ગર્લફ્રેન્ડ યુલિયા વંતુર અને મિકા સિંહે ગાયું છે. સલમાન ખાનની આગામી ફિલ્મ રેસ ૩ આ વર્ષની બહુપ્રતીક્ષિત ફિલ્મોમાંથી એક છે. મેકર્સ આ ફિલ્મના કેરેક્ટર પોસ્ટર્સ અને ઓફિશિયલ પોસ્ટરને લોન્ચ કરવાની સાથે ખૂબ ચર્ચામાં છે. રેસ ૩ ને લઈને આશા વ્યક્ત કરવામાં આવી રહી છે કે, રેસ ૩ રેસ ફ્રેન્ચાઈઝીની છેલ્લી બે ફિલ્મો કરતા વધારે શાનદાર હશે. ફિલ્મ ‘રેસ ૩’ નું મોટાભાગનું શૂટિંગ વિદેશમાં થયું છે. ઉલ્લેખનીય છે કે, ફિલ્મના સેટ પરથી કેટલાક વિડીયો અને ફોટોઝ વાયરલ થયા હતા. જેમાં સલમાન ખાન નજર આવી રહ્યા છે. જેને જોઈ તે સ્પષ્ટ લાગી રહ્યું છે કે, ફિલ્મમાં જબરદસ્ત એક્શન સીન નજર આવવાના છે.