Saif Ali Khan: કરીના કપૂર સાથે લગ્ન કરતા પહેલા પૂર્વ પત્ની અમૃતા સિંહને લખ્યો પત્ર, દીકરી સારાએ આપી આવી પ્રતિક્રિયા
Saif Ali Khan અને Kareena Kapoor ના લગ્નને ઘણા વર્ષો થઈ ગયા છે. આ કપલ પોતાનું સુખી જીવન જીવી રહ્યું છે. પરંતુ કરીના સાથે લગ્ન કરતા પહેલા સૈફે તેની પૂર્વ પત્નીને એક પત્ર લખ્યો હતો.
સૈફ અલી ખાનની પ્રોફેશનલ લાઈફ જેટલી હેડલાઈન્સમાં રહે છે, તેની પર્સનલ લાઈફની હાલત પણ એવી જ છે. તે હંમેશા પોતાના અંગત જીવનના કારણે ચર્ચામાં રહે છે. પહેલા Amrita Singh સાથે અને પછી કરીના સાથે લગ્ન કર્યા. સૈફ અને અમૃતાના સંબંધોની ચર્ચા આજે પણ થાય છે. જ્યારે સૈફ કરીના સાથે લગ્ન કરવાનો હતો ત્યારે તેણે અમૃતા સિંહને પત્ર લખ્યો હતો. જે સારા અલી ખાને પણ વાંચી હતી. પત્ર વાંચીને સારાએ તેના પિતાને ફોન કરીને આવી પ્રતિક્રિયા આપી હતી.સૈફ અલી ખાન અને સારા અલી ખાન પહેલીવાર ચેટ શોમાં ગયા હતા અને તે કોફી વિથ કરણ હતો. સૈફે કોફી વિથ કરણમાં ખુલાસો કર્યો હતો કે તેણે કરીના સાથે લગ્ન કરતા પહેલા અમૃતાને પત્ર લખ્યો હતો.
તેમ પત્રમાં જણાવાયું હતું
Saif Ali Khan જણાવ્યું કે તે નોટમાં ઘણી શુભકામનાઓ હતી. સૈફે કહ્યું– ‘જ્યારે હું કરીના સાથે લગ્ન કરવા જઈ રહ્યો હતો, ત્યારે કેટલાક કારણોસર, હું આગળ વધું તે પહેલાં, મેં અમૃતાને એક ચિઠ્ઠી લખી, અને મેં કહ્યું, તમે જાણો છો કે આ એક નવા અધ્યાયની શરૂઆત છે, અને અમારો પોતાનો ઇતિહાસ છે. બધું સૈફે વધુમાં કહ્યું કે તે બંને માટે તેમના ભવિષ્ય માટે શુભકામનાઓ જેવું હતું અને પછી સારાએ તેના પર કેવી પ્રતિક્રિયા આપી તે જણાવ્યું.
Sara ની આ પ્રતિક્રિયા હતી
Saif Ali Khan જણાવ્યું કે પત્ર પછી તેને સારાનો ફોન આવ્યો હતો. સારાએ તેને ફોન પર કહ્યું – ‘તને ખબર છે હું ગમે તેમ કરીને આવવાની હતી પણ હવે હું ખુશ દિલ સાથે આવીશ.’ સારાએ પછી જણાવ્યું કે કેવી રીતે અમૃતા સિંહે પોતે જ તેને તેના પિતાના લગ્ન માટે તૈયાર કરી હતી.
જણાવી દઈએ કે સૈફ અલી ખાન અને અમૃતા સિંહ લગ્નના 13 વર્ષ બાદ વર્ષ 2004માં અલગ થઈ ગયા હતા. આ કપલને બે બાળકો સારા અલી ખાન અને ઈબ્રાહિમ અલી ખાન છે. અમૃતા પછી સૈફના જીવનમાં કરીના આવી. ઘણા વર્ષો સુધી ડેટ કર્યા બાદ બંનેએ 2012માં લગ્ન કર્યા હતા. સૈફ અને કરીના સુખી જીવન જીવી રહ્યા છે અને આ કપલને બે પુત્રો છે.
