મુંબઈ : બોલિવૂડ એક્ટર સલમાન ખાન સુનીલ શેટ્ટી અને તેની પુત્રી અથિયા શેટ્ટી સહિત તેના પરિવાર સાથે ઘણા સારા સંબંધો શેર કરે છે. સલમાન ખાને તેની પ્રથમ પ્રોડક્શન ફિલ્મ ‘હીરો’ પ્રોડ્યુસ કરી હતી, સુનીલ શેટ્ટીની પુત્રી આથિયા શેટ્ટી અને આદિત્ય પંચોલીનો પુત્ર સૂરજ પંચોલી મુખ્ય ભૂમિકામાં હતા. આ બંનેની ડેબ્યૂ ફિલ્મ હતી.
તાજેતરમાં સલમાન ખાને ખૂબ જ પ્યારા કારણ માટે આથિયા શેટ્ટી પાસે માફી માંગી છે. સલમાન ખાન થોડા દિવસો પહેલા તેના ભાઈ અરબાઝ ખાનના ટોક શો ‘પિંચ સીઝન 2’માં જોવા મળ્યો હતો. એક સેગમેન્ટ દરમિયાન અરબાઝે સલમાનને અનુમાન લગાવવાનું કહ્યું હતું કે કેટરિના કૈફ, આથિયા શેટ્ટી અને સંગીતા બિજલાની વચ્ચે તે કઈ અભિનેત્રીને ઇન્સ્ટાગ્રામ પર ફોલો કરતો નથી ?
આથિયાની માફી માંગી
અરબાઝ ખાનના આ સવાલ પર સલમાન ખાને જવાબ આપ્યો કે તે ઇન્સ્ટાગ્રામ પર સંગીતા બિજલાનીને ફોલો કરતો નથી, જ્યારે સાચો જવાબ આથિયા શેટ્ટી હતો. આ પછી, સારું વર્તન બતાવતા, સલમાન ખાને ઇન્સ્ટાગ્રામ પર આથિયાને ફોલો ન કરવા બદલ માફી માંગી. તેમણે ભૂલ સુધારવા અને તેને ફોલો કરવાનું વચન પણ આપ્યું હતું.
સુનીલ શેટ્ટીએ આ પ્રતિક્રિયા આપી હતી
હવે આથિયાના પિતા સુનીલ શેટ્ટીએ સલમાન ખાનની વા ત પર પ્રતિક્રિયા આપી છે. સુનીલે આથિયાની માફી માંગવા બદલ સલમાનની પ્રશંસા કરી છે. મીડિયા સાથે વાત કરતાં સુનિલે કહ્યું, “તે (સલમાન ખાન) જે પણ કરે છે તે પોતાના દિલથી કરે છે. જ્યારે તે સ્ક્રીન પર આથિયાને સોરી કહે છે ત્યારે તે સૌથી મીઠી વાત છે. તેઓનો સુંદર સંબંધ છે. અને જે વ્યક્તિ સોરી કહે છે તે શ્રેષ્ઠ હોય છે !”