‘બ્રહ્માસ્ત્ર’ રિલીઝના ત્રીજા સપ્તાહમાં છે અને ફિલ્મ હજુ પણ યોગ્ય કલેક્શન કરી રહી છે. શુક્રવારે ‘બ્રહ્માસ્ત્ર’ના કલેક્શનમાં મોટો ઉછાળો આવ્યો જ્યારે રાષ્ટ્રીય સિનેમા દિવસ નિમિત્તે સિનેમાઘરોમાં માત્ર 75 રૂપિયામાં ટિકિટ મળી. ફિલ્મે તે દિવસે 10 કરોડથી વધુની કમાણી કરી હતી. બીજા દિવસે સપ્તાહાંત હોવા છતાં કલેક્શનમાં ઘટાડો જોવા મળ્યો. ટિકિટના ભાવમાં ઘટાડાથી અન્ય ફિલ્મોને પણ ફાયદો થયો હતો. જે બાદ ડિસ્ટ્રિબ્યુટર્સ અને મલ્ટીપ્લેક્સ એસોસિએશને ટિકિટના ભાવ ઘટાડવા અંગે વિચારવું જોઈએ કે કેમ તે અંગે પણ ચર્ચા થઈ હતી. આ બધી ચર્ચાઓ વચ્ચે ‘બ્રહ્માસ્ત્ર’ના નિર્માતાઓએ મોટી જાહેરાત કરી અને ટિકિટના ભાવ ઘટાડવાનો નિર્ણય કર્યો.
રવિવારે ડિરેક્ટર અયાન મુખર્જીએ સત્તાવાર રીતે જાહેરાત કરી હતી કે 26 સપ્ટેમ્બરથી શરૂ થતી નવરાત્રિના અવસર પર ફિલ્મની ટિકિટની કિંમત 100 રૂપિયા હશે. આ ઓફર 29 સપ્ટેમ્બર સુધી જ લાગુ રહેશે. અયાન મુખર્જીએ વીડિયોની સાથેના કેપ્શનમાં લખ્યું છે કે, ‘આ સ્કીમથી ઉત્સાહિત, નેશનલ સિનેમા ડેએ અમને ટિકિટની યોગ્ય કિંમત વિશે શીખવ્યું જેથી વધુ દર્શકો મોટા પડદા પર ફિલ્મનો આનંદ લઈ શકે. કંઈક કે જેના વિશે અમે ઉત્સાહી છીએ.’ અયાન આગળ લખે છે, ‘અમે આશા રાખીએ છીએ કે અમારા દર્શકો આ અઠવાડિયે બ્રહ્માસ્ત્રનો આનંદ માણતા રહેશે કારણ કે આવતીકાલથી નવરાત્રીની ઉજવણી શરૂ થઈ રહી છે.’
હૃતિક રોશન અને સૈફ અલી ખાનની ‘વિક્રમ વેધા’ પણ આવતા અઠવાડિયે રિલીઝ થવા જઈ રહી છે. ફિલ્મના મેકર્સ પણ ટિકિટની કિંમત ઘટાડવા માટે તૈયાર છે. નિર્માતાઓએ એક નિવેદન જારી કરીને કહ્યું કે, “રિલાયન્સ એન્ટરટેઈનમેન્ટના નિર્માતાઓએ વિક્રમ વેધને જનતા માટે બજેટ-ફ્રેંડલી બનાવવા માટે ટિકિટની કિંમત નક્કી કરી છે.” તે રિલીઝ થયેલી બ્લોકબસ્ટર ફિલ્મો કરતાં સસ્તી હશે. જો કે, તે કેટલી અને કેવી રીતે જણાવવામાં આવ્યું નથી. ટિકિટના ભાવમાં ઘટાડો થશે.
