મુંબઈ : હીરો નંબર 1 અને સિર્ફ તુમ જેવી શ્રેષ્ઠ ફિલ્મોમાં કામ કરી ચૂકેલી શગુફ્તા અલીને આજકાલ ભારે આર્થિક સંકટનો સામનો કરવો પડી રહ્યો છે. કોરોના સમયગાળા દરમિયાન અભિનેત્રીની આર્થિક સ્થિતિ એટલી ખરાબ થઈ ગઈ છે કે તે પોતાના કેન્સરની સારવાર પણ કરાવી શકતી નથી. દુર્ભાગ્યે, શગુફ્તા સ્તન કેન્સર સામે લડી રહી છે અને તે ત્રીજા તબક્કામાં પહોંચી ગઈ છે.
શગુફ્તાએ તેની કારથી લઈને ઘરેણાં સુધીનું બધું વેચી દીધું છે અને હવે તેની પાસે વેચવા માટે કંઈ બચ્યું નથી. આ સમાચાર પછી, જોની લિવર સહીત ઘણા દિગ્ગજ લોકો તેમની આર્થિક મદદ કરવા આગળ આવ્યા છે. હવે માધુરી દીક્ષિતે તેને ડાન્સ દિવાનેની ટીમ વતી પાંચ લાખ રૂપિયાનો ચેક પણ આપ્યો છે.
આગામી એપિસોડમાં, શગુફ્તાને મહેમાન તરીકે બોલાવવામાં આવી હતી અને તેમને આ રકમ આપવામાં આવી હતી. અનિલ કપૂર, ફરહાન અખ્તર, મૃણાલ ઠાકુર અને ખતરો કે ખિલાડી 11ના હોસ્ટ રોહિત શેટ્ટી ડાન્સ દિવાના -3 માં મહેમાન તરીકે પહોંચ્યા છે.
સહાય માટે આભાર માનવા માટે મારી પાસે શબ્દો નથી
ડાન્સ દિવાને 3ના આગામી એપિસોડમાં, જ્યારે અભિનેત્રી શગુફ્તા અલી આવીને તેની વાર્તા સંભળાવશે, ત્યારે તે ક્ષણ ખૂબ ભાવનાત્મક બની જાય છે. શોમાં અભિનેત્રીએ તેની આર્થિક સ્થિતિ અને વ્યક્તિગત સંઘર્ષો વિશે જણાવ્યું છે. શોમાં હોસ્ટ ભારતી સિંહ તેને ગળે લગાવે છે, જ્યારે જજ માધુરી દીક્ષિત પણ તેમને સાંત્વના આપવા માટે પહોંચે છે.
ડાન્સ દિવાને3 ની આખી ટીમ વતી માધુરી દિક્ષિતે દિગ્ગ્જ અભિનેત્રીને 5 લાખ રૂપિયાનો ચેક આપ્યો ત્યારે શગુફ્તા ખૂબ ભાવુક થઈ ગઈ અને તેની આંખોમાં આંસુ ભરાઈ ગયા. સેટ પર આવેલા દરેકની આંખો ભીની થઈ ગઈ. દરેકનો આભાર માનીને તેણે કહ્યું, મારી પાસે શબ્દો નથી. શગુફ્તા અલીને ફિલ્મ નિર્માતાઓ મનીષ ગોસ્વામી, અશોક પંડિત અને અશોક શેખરનો આર્થિક સહયોગ પણ મળ્યો છે.