તમન્ના ભાટિયા ઉપર તેમના ચાહકે ફેંક્યુ બુટ, ધરપકડ

ફિલ્મ બાહુબલી ફેમસ અભિનેત્રી તમન્ના ભાટિયા સાથે દુર્વ્યવહાર કર્યાની ઘટના બની છે. અભિનેત્રી હૈદરાબાદ ખાતે એક કાર્યક્રમમાં ભાગ લેવા પહોંચી હતી ત્યારે તેના એક ચાહકે જ તેના પર જૂતાંનો ઘા કરતાં ચકચાર મચી છે. તમ્મના પર જૂતાંનો ઘા કરનાર વ્યક્તિની ધરપકડ કરી લેવામાં આવી છે.
આ અંગે મળતી માહિતીનુસાર હૈદરાબાદના એક જ્વેલરી શો-રૂમના ઉદ્ઘાટન માટે પહોંચેલી અભિનેત્રી તમન્ના ભાટિયા પર એક માથા ફરેલ વ્યક્તિએ તેનું બૂટ ફેંક્યું હતું. જો કે સદનસીબે આ ચંપલ તમન્નાને વાગ્યું ન હતુ. શો રૂમમાં હાજર લોકોની વચ્ચે ફેંકેલું બૂટ પડી જતાં હાહાકાર મચી ગયો હતો. જો કે કેમેરાના ફૂટેજના આધારે આ વ્યક્તિની અટકાયત કરી લેવામાં આવી હતી. અટકાયત બાદ પુછપરછ કરતાં મુલ્લાહ નામના આ શખ્સે જણાવ્યું હતુ કે તે તમન્નાના અભિનયથી નાખુશ હતો. તેણે કરેલી છેલ્લી કેટલીક ફિલ્મોમાં તેનો અભિનય સારો ન હતો જેના કારણે તે અભિનેત્રી પર રોષે ભરાયો હતો. જેના કારણે તેણે આ પગલું ભર્યું હતુ. મહત્વપૂર્ણ છે કે અભિનેત્રી તમન્ના સુપરહીટ ફિલ્મ બાહુબલી ઉપરાંત બોલિવૂડની ફિલ્મ અને તેલુગૂ તેમજ તમિલ ફિલ્મોમાં પણ કામ કર્યું છે.