‘ધ કપિલ શર્મા શો’ ટૂંક સમયમાં ટીવી પર કમબેક કરવા જઈ રહ્યો છે. આ શોના ઘણા બધા પ્રોમો સામે આવ્યા છે અને લોકોને શોની કાસ્ટ વિશે ખબર પડી ગઈ છે પરંતુ આ દરમિયાન ફેન્સ માટે એક ખરાબ સમાચાર સામે આવી રહ્યા છે. એક કોમેડિયને છેલ્લી ઘડીએ આ શોમાંથી અલવિદા કહી દીધું છે, જેના પછી કપિલ શર્માની ચિંતા વધી શકે છે. હા, એક કોમેડિયને ‘ધ કપિલ શર્મા શો’ની કાસ્ટમાંથી પોતાનું નામ પાછું ખેંચી લીધું છે અને હવે તે ટીવી પર જોવા નહીં મળે.
ચંદનનો શો
‘ધ કપિલ શર્મા શો’ 10 સપ્ટેમ્બરથી શરૂ થઈ રહ્યો છે. આ શોમાં ઘણા જૂના કોમેડિયન જોવા મળતા નથી, જેમાં ભારતી અને કૃષ્ણાના નામ સામેલ છે, પરંતુ આ વખતે કપિલ પોતાના શોની શરૂઆત નવા કોમેડિયન સાથે કરવા જઈ રહ્યો છે. પરંતુ આ દરમિયાન સમાચાર સામે આવી રહ્યા છે કે કપિલનો મિત્ર ચંદન પ્રભાકર પણ શો છોડવા જઈ રહ્યો છે. ચંદને પોતે કન્ફર્મ કર્યું છે કે તે આ શોમાં જોવા નહીં મળે.
તમને જણાવી દઈએ કે, ચંદન ‘ધ કપિલ શર્મા શો’માં ચંદુનું પાત્ર ભજવે છે. તેણે ખુલાસો કર્યો કે તે આ શોનો ભાગ નહીં બને. કોમેડિયને કહ્યું કે આની પાછળ કોઈ ખાસ કારણ નથી. હું માત્ર આમાંથી બ્રેક ઈચ્છું છું. પિંકવિલાના રિપોર્ટ અનુસાર, ચંદને કહ્યું છે કે તે કપિલના શોનો ભાગ નહીં બને. ચંદન કપિલના ઓસ્ટ્રેલિયા પ્રવાસનો ભાગ પણ નહોતો. જોકે કપિલ અને ચંદન છેલ્લા ઘણા સમયથી સાથે કામ કરી રહ્યા છે. બંને વચ્ચે ખાસ બોન્ડિંગ છે. ચંદન કપિલની નવી સીઝનના પ્રોમોમાં જોવા મળ્યો છે. આટલું જ નહીં નવી સિઝનમાં તેની પત્ની પણ છે. આવી સ્થિતિમાં શોને અલવિદા કહેતા ચાહકોને થોડી અજીબ લાગી રહી છે.
