શ્રીદેવીની આ અંતિમ તસવીરમાં છે એક ખાસ વાત

શ્રીદેવીની અંતિમ ક્ષણોમાં તેને નવવધૂની જેમ શણગાર કરાયો હતો. શ્રીદેવીની અંતિમ તસવીર ઘણી જ ભાવુક કરી દેનાર હતી. આ તસવીરને જેણે પણ જોઇ આંખનો પલકારો મારવાનું ભૂલી ગયાં હતાં. અંતિમ સંસ્કાર માટે માથા પર લાલ ચાંદલો, લાલ રંગની કાંજીવરમ સાડી, હોઠ પર લિપસ્ટિક વગેરે.. જોકે, આ ફોટોમાં એક વસ્તુ એવી પણ હતી. જેની પર લોકોની ઓછી નજર પડી હતી. આવો જાણીએ શું હતી તે વસ્તુ.
અંતિમયાત્રામાં શ્રીદેવી લાલ રંગની કાંજીવરમ સાડીમાં સુપરસ્ટાર જેવી જ લાગતી હતી. જેટલી માસૂમ પોતાની ફિલ્મ્સમાં લાગતી હતી તેટલી જ નિર્દોષ લાગતી હતી. અમે શ્રીદેવીની છેલ્લી તસવીરમાં જેના વિશે વાત કરી રહ્યાં છે તે છે ગળામાં પહેરેલી ખાસ જ્વેલરી.
શ્રીદેવીએ ગળામાં જે જ્વેલરી પહેરી હતી. તેનું તામિલ સંસ્કૃતિમાં એક આગવું મહત્વ છે. શ્રીદેવીએ ગળામાં મંગળસૂત્ર, પર્લ બીડિડ નેકપીસ (ગુટ્ટાપુસાલુ હારમ) અને ટેમ્પલ જ્વેલરી પહેરી છે. આ ટેમ્પલ જ્વેલરીની એક શ્રેણી છે.
શ્રીદેવીનો જન્મ એક તામિલ પરિવારમાં થયો હતો. અંતિમ વિદાય દરમિયાન તેને સાઉથની સોનાની ટ્રેડિશનલ જ્વેલરી પહેરાવવામાં આવી હતી. આ આભૂષણ દક્ષિણ ભારતમાં ખાસ માનવામાં આવે છે. દેવી દેવતાઓથી સજાવાયેલી આ જ્વેલરી જૂના સમયમાં મંદિરની નૃત્યાંગના પહેરતી હતી. આ પછી સંભ્રાત પરિવારની મહિલાઓમાં પણ તેને પહેરવાનું ચલણ શરૂ થયું હતું.
આ ટેમ્પલ જ્વેલરી હજુ પણ પ્રાચીન રૂપથી ચલણમાં છે. ટેમ્પલ જ્વેલરીને દક્ષિણ ભારતમાં નક્શી જ્વેલરી પણ કહેવામાં આવે છે. જેમાં દેવી દેવતાઓના સુંદર ચહેરાઓ જોવા મળે છે. ટેમ્પલ જ્વેલરી ગળા ઉપરાંત અનેક અંગો માટે બનાવવામાં આવે છે. ભારતના દક્ષિણ વિસ્તારમાં દુલ્હનને પહેરાવવામાં આવે છે. પારંપરિક સિલ્ક સાડી સાથે પીળી સોનાની ટેમ્પલ જ્વેલરી પહેરવી સાઉથની સંસ્કૃતિનો એક ભાગ ગણવામાં આવે છે.