‘ઉરી : ધ સર્જીકલ સ્ટ્રાઈક’ ફિલ્મે રચ્યો વધુ એક ઇતિહાસ

નવી દિલ્હી : આદિત્ય ધર દ્વારા દિગ્દર્શિત ફિલ્મ ‘ઉરી : ધ સર્જીકલ સ્ટ્રાઈક’ બૉક્સ ઑફિસ પર સુપર હીટ પુરવાર થઈ છે. વેપાર વિશ્લેષક તરણ આદર્શના જણાવ્યા પ્રમાણે, આ ફિલ્મ અત્યાર સુધીમાં હિન્દી ફિલ્મની 10મી સૌથી વધુ કલેક્શન કરનાર ફિલ્મ બની ગઈ છે. આ સાથે, આ ફિલ્મે વધુ એક નવો રેકોર્ડ પોતાના નામે કર્યો છે. 11 જાન્યુઆરીના રોજ રિલીઝ થયેલ આ ફિલ્મે થિયેટરોમાં 100 દિવસ પૂર્ણ કર્યા છે. તરણ આદર્શે આ માહિતી તેના સોશિયલ મીડિયા પર આપી છે.

તરણ આદર્શે તેમના ટ્વિટર એકાઉન્ટ પર લખ્યું હતું કે, “જ્યારે મોટાભાગની ફિલ્મો 10 દિવસમાં થિયેટરો છોડી દે છે, ઉરી: ધ સર્જિકલ સ્ટ્રાઈક ફિલ્મે 100 દિવસ પૂર્ણ કર્યા છે. આ એક મોટી સિદ્ધિ છે. ‘

While *most films* run out of fuel in 10 days, #Uri completes 100 days in theatres… An achievement that's extremely rare in today's times. #UriTheSurgicalStrike pic.twitter.com/ZUjHbV8jVW

— taran adarsh (@taran_adarsh) April 20, 2019

ઉરીના 100 દિવસ પૂર્ણ થવા પર યામી પણ ખૂબ ઉત્સાહિત છે. તેણે મનોરંજન વેબસાઇટને કહ્યું, “અત્યાર સુધીનો સમય ઘણો સારો હતો. તે એક મોટી વાત છે કે ઉરી થિયેટરોમાં 100 દિવસ સુધી ચાલી છે. હું દિગ્દર્શક આદિત્ય ધારની આભારી છું કે તેણે મને આ ફિલ્મમાં ભૂમિકા ભજવવાની તક આપી છે જે મેં પહેલાં ક્યારેય કરી નથી.”