કોણ છે મિસ વર્લ્ડ 2017 માનુષી છિલ્લર જાણો અમારી સાથે

ભારતની માનુષી છિલ્લરે ચીનમાં આયોજિત મિસ વર્લ્ડ સ્પર્ધામાં વિશ્વ સુંદરી 2017નો તાજ પોતાના નામે કરી લીધો છે. મિસ વર્લ્ડ સ્પર્ધામાં છેલ્લી પાચ સ્પર્ધકોમાં સામેલ થયા બાદ ભારતીય સુંદરી માનુષી છિલ્લરે એક સવાલનો એવો જવાબ આપ્યો કે તે બધા પર ભારે પડી ગઈ. સ્પર્ધામાં કુલ 118 દેશોની સુંદરીઓએ ભાગ લીધો હતો. માનુષી બધા પર ભારે પડી ગઈ. ભારતીય સુંદરીએ આ એવોર્ડ 17 વર્ષ બાદ મળ્યો છે.
ટોપ ફાઈવ વચ્ચેની સ્પર્ધામાં સ્થાન મેળવ્યા બાદ માનુષીને સવાલ કરાયો કે તેના મુજબ કયો વ્યવસાય (પ્રોફેશન) સૌથી વધુ વેતનનો હકદાર છે? આ સવાલનો માનુષીએ જવાબ આપ્યો કે, ‘મને લાગે છે કે મા સૌથી વધુ સન્માનની હકદાર છે અને જ્યારે તમે વેતનની વાત કરો છો તો એ માત્ર રોકડની વાત નથી, પરંતુ મારું માનવું છે કે તે પ્રેમ અને સન્માન છે જે તમે કોઈને આપો છો. મારી મા મારા જીવનમાં સૌથી મોટી પ્રેરણા છે. બધા માતાઓ તેમના બાળકો માટે ઘણો બધો ત્યાગ કરે છે, એટલે મને લાગે છે કે માનું કામ સૌથી વધુ વેતન કે સન્માનનું હકદાર છે.’
માનુષીએ ચીનના સનાયામાં આયોજિત મિસ વર્લ્ડ સ્પર્ધામાં ભારતની મિસ ઈન્ડિયા માનુષી છિલ્લરને 118 દેશોની સુંદરીઓને હરાવી મિસ વર્લ્ડ 2017નો તાજ પોતાના નામે કર્યો. મિસ વર્લ્ડ 2016 સ્ટેફની ડેલે માનુષીને મિસ વર્લ્ડ 2017નો તાજ પહેરાવ્યો. મિસ મેક્સિકો એન્ડ્રિયા મિઝા ફર્સ્ટ રનર-અપ અને મિસ ઈંગ્લેન્ડ સ્ટેફાની સેકન્ડ રનર-અપ રહી.હરિયાણાના સોનીપતમાં રહેતી માનુષીનો જન્મ 14 મે, 1997એ થયો હતો. 20 વર્ષની માનુષી છિલ્લર 67મી મિસ વર્લ્ડ છે. ભારતમાંથી આ સૌથી પહેલા રીતા ફારિયા મિસ વર્લ્ડ બની હતી. તેણે 1966માં આ એવોર્ડ જીત્યો હતો. તે પછી એશ્વર્યા રાયે 1994માં, ડાયના હેડને 1997માં, યુક્તા મુખીએ 1999માં અને પ્રિયંકા ચોપડાએ વર્ષ 2000માં મિસ વર્લ્ડનો તાજ જીત્યો હતો.
માનુષી ભારતમાંથી છઠ્ઠી મિસ વર્લ્ડ છે.માનુષીના માતા-પિતા ડોક્ટર છે અને તે પણ મેડિકલ સ્ટૂડન્ટ છે અને કાર્ડિયાક સર્જન બનવા ઈચ્છતી હતી.5.9 ફૂટની હાઈટ ધરાવતી માનુષીને પેરાગ્લાઈડિંગ, બંજી જંપિંગ અને સ્કૂબા ડાઈવિંગ જેવા સ્પોર્ટસ પસંદ છે.માનુષીએ ઈન્ડિયન ક્લાસિકલ ડાન્સ પણ શીખ્યો છે. તે ઉપરાંત સ્કેચિંગ કરે છે અને પેઈન્ટિંગ પણ બનાવે છે. ઘોડે સવારી પણ તેનો શોખ છે.
મિસ વર્લ્ડમાં ભાગ લેતા પહેલાથી તે સમાજસેવાના કામો સાથે પણ જોડાયેલી રહી છે. તેણે મહિલાઓના પિરિયડ્સ દરમિયાન હાઈજિન સંબંધિત એક કેમ્પેનમાં લગભગ 5000 મહિલાઓને જાગૃત કરવાનું કામ કર્યું છે.
માનુષી છિલ્લર ભારતની 54મી મિસ ઈન્ડિયા હતી. તેના પહેલા પ્રિયદર્શની ચેટર્જી મિસ ઈન્ડિયા બની હતી.