ટ્રમ્પનું બદલાયેલું વલણ: ‘હું હંમેશા મોદીનો મિત્ર રહીશ’, પરંતુ નારાજગી પણ વ્યક્ત કરી
અમેરિકા ના પૂર્વ રાષ્ટ્રપતિ ડોનાલ્ડ ટ્રમ્પે તાજેતરમાં ભારત વિશે મહત્વપૂર્ણ નિવેદન આપ્યું છે. તેમણે જણાવ્યું કે તેઓ હંમેશા ભારતના વડાપ્રધાન નરેન્દ્ર મોદીના મિત્ર રહીશે. ટ્રમ્પના જણાવ્યા પ્રમાણે, “ભારત એ અમેરિકાનો ખાસ ભાગીદાર છે અને અમેરિકા તેને અવગણી શકતું નથી.”
હાલના ગ્લોબલ પરિસ્થિતિ પર ટિપ્પણી કરતાં ટ્રમ્પે ચીન અને રશિયા સાથે ભારતના સંબંધો પર સંકેત આપ્યો અને જણાવ્યું કે તેમને ભારતના કેટલાક વર્તમાન નિર્ણયો પસંદ નથી, ખાસ કરીને રશિયા પાસેથી તેલ અને શસ્ત્રોની ખરીદી જેવા મુદ્દે.
ટ્રમ્પના આ નિવેદનો પર પ્રતિક્રિયા આપતાં પીએમ મોદીએ સોશિયલ મીડિયા પર કહ્યું કે, “ભારત-અમેરિકા વચ્ચે વ્યૂહાત્મક અને વિશ્વસનીય ભાગીદારી છે, જે બંને દેશોની શાંતિ અને વિકાસ માટે મહત્વપૂર્ણ છે.” મોદીએ ટ્રમ્પની ભાષા અને ભવિષ્ય માટેના દ્રષ્ટિકોણની પ્રશંસા પણ કરી.
નિષ્ણાતોનું વિશ્લેષણ: ‘અમેરિકા ભારતને અવગણી શકે નહીં’
પશ્ચિમ એશિયાના જાણીતા વ્યૂહરચનાકાર વેઇલ અવદે જણાવ્યું કે, “અમેરિકા હવે ભારતને અવગણી શકે તેમ નથી.” તેમણે ખાસ ઉલ્લેખ કર્યો કે અમેરિકામાં વસેલા ભારતીય NRI અને ડાયસ્પોરા પણ અમેરિકન અર્થતંત્ર માટે મહત્વપૂર્ણ છે. અવદે વધુમાં જણાવ્યું કે ટ્રમ્પ અને મોદી વચ્ચે વ્યક્તિગત મિત્રતા, વૈશ્વિક રાજકીય નીતિઓને અસરકારક બનાવી શકે છે.
તેમ છતાં, અવદે ચેતવણી આપી કે “ટ્રમ્પ વ્યાપારમંધી અને કડક નિર્ણય લેતા નેતા છે, જેણે અગાઉ ભારત પર ટેરિફ લગાવ્યા હતા.” આ પગલાં આજ સુધી પણ પાછા ખેંચાયા નથી. તેથી ભારતે વ્યાપાર સંબંધો મામલે સાવધાની રાખવી પડશે અને એવી નીતિ અપનાવવી જોઈએ કે જેમાં વેપાર-ફાયદા ટકી રહે.
અમેરિકાની આંખે ભારત હવે “મહત્વપૂર્ણ ભાગીદાર”
ટ્રમ્પે ઇન્ટરવ્યુમાં આ વાત સ્વીકારી. તેમણે કહ્યું કે તેઓ મોદીના મિત્ર રહેશે, પરંતુ રશિયા પાસેથી તેલ અને શસ્ત્રોની ખરીદી તેમને પસંદ નથી. તેમ છતાં, તેમણે ભારપૂર્વક કહ્યું કે બંને દેશો વચ્ચેના સંબંધો ખાસ છે અને આ નારાજગીની ક્ષણો સામાન્ય છે. આ પરિસ્થિતિ દર્શાવે છે કે રાજદ્વારી સંબંધોમાં વ્યક્તિગત મિત્રતા અને રાષ્ટ્રીય હિતો વચ્ચે સંતુલન જાળવવું કેટલું જરૂરી છે.
