નવી દિલ્હી : ચાઇનીઝ સ્માર્ટફોન કંપની રીઅલમીએ Weibo પોસ્ટ દ્વારા માહિતી આપી છે કે રીઅલમી X2 ને ક્વોલકોમ સ્નેપડ્રેગન 730G સાથે રજૂ કરવામાં આવશે. X2 માં સ્નેપડ્રેગન 730G ની રજૂઆત સાથે, આ સંભાવનામાં વધારો થયો છે કે આ સ્માર્ટફોનને Realme XT 730G તરીકે ભારતમાં લોન્ચ કરવામાં આવશે. આ ઉપરાંત, રિયલમીએ Realme X2ના બે જુદા જુદા કલર વેરિએન્ટ્સ પણ પ્રદર્શિત કર્યા છે.
આ ઉપરાંત આ આગામી સ્માર્ટફોનમાં 32 એમપી સેલ્ફી કેમેરા પણ 64 એમપી પ્રાઇમરી કેમેરા સાથે હોવાના અહેવાલ છે. આ બધા સિવાય કંપનીએ એમ પણ કહ્યું છે કે રીઅલમી X2 માં 30W VOOC 4.0 ચાર્જિંગ ટેક્નોલોજી આપવામાં આવશે. Realme X2 માં 730 જી પ્રોસેસરની પુષ્ટિ કરવા માટે, રિયલમી ચાઇનીઝ માઇક્રોબ્લોગિંગ વેબસાઇટ બીવો પક ટીઝરનું પોસ્ટર બહાર પાડ્યું છે. આ નવું પ્રોસેસર 8nm આર્કિટેક્ચર પર આધારિત છે અને ગેમિંગના અનુભવ માટે વધુ સારું છે.
આ મહિનાની શરૂઆતમાં ભારતમાં Realme XT લોન્ચ કરવા ઉપરાંત, Realme XT 730G ની પણ જાહેરાત કરી હતી. કંપનીએ કહ્યું હતું કે તેને ડિસેમ્બરમાં ભારતમાં લોન્ચ કરવામાં આવશે. જો કે, નવી વીબો પોસ્ટ પરથી નિર્ણય લેવામાં આવ્યો છે કે Realme X2ને ભારતમાંRealme XT 730G તરીકે રજૂ કરવામાં આવશે. ચાલો તમને જણાવી દઈએ કે Realme X2 24 સપ્ટેમ્બરે ચીનમાં લોન્ચ થશે.
વીબો પોસ્ટ ઉપરાંત, રીઅલમી ઇન્ડિયાના સીએમઓ ફ્રાન્સિસ વાંગે એક ટ્વિટમાં પ્રકાશિત કર્યો છે કે, Realme X2એ સંપૂર્ણપણે નવો Realme X સિરીઝનો સ્માર્ટફોન નહીં હોય પરંતુ Realme XTના વેરિઅન્ટ Realme XT 730G તરીકે રજૂ કરવામાં આવશે. આ સિવાય વીબો પોસ્ટ પરથી કલર ઓપ્શનની પણ જાણ કરવામાં આવી છે. Realme X2 ને પર્લ વ્હાઇટ અને પર્લ બ્લુ કલર વિકલ્પો સાથે લોન્ચ કરવામાં આવશે.