ટ્વિટર પરથી હવે તમે વધુ શબ્દોમાં અભિવ્યક્તિ કરી શકશો

માઈક્રોબ્લોગિંગ સાઈટ ટ્વિટર પર અત્યાર સુધી માત્ર 140 અક્ષરની જ પોસ્ટ મુકી શકાતી હતી. જો કોઈએ લાંબી વાત કરવી હોય અથવા કોઈ જરુરી સુચના આપવી હોય તો 3-4 અલગ અલગ ટ્વિટ કરવી પડતી હતી. ઘણાં સમયથી લોકોની માંગ હતી કે ટ્વિટરની શબ્દોની લિમિટ વધારવામાં આવે. લોકોની સમસ્યાને ધ્યાનમાં રાખીને ટ્વિટરે શબ્દોની લિમિટ 140થી વધારીને 280 કરી છે.
કંપનીએ એક બ્લોગ શેર કરીને આ આખા સુધારા વિષે વિસ્તૃત માહિતી આપી છે. કંપનીએ કહ્યું છે કે 9% લોકો 140 શબ્દોનો સંપૂર્ણ ઉપયોગ કરે છે, તેનો અર્થ છે કે તેમને વધારે શબ્દોની જરુર છે. ટ્વિટર લાંબા સમયથી ટેસ્ટિંગ કરી રહ્યુ હતું અને પછી આ નિર્ણય લેવાયો છે.
મલ્ટી પાર્ટ ટ્વિટ, ટેક્સ્ટ બ્લોકના સ્ક્રીનશૉટ્સ, વગેરે જેવા ફીચર્સનો સમાવેશ કર્યા છે. પહેલા લોકો ટ્વિટ કરતા હતા તો શબ્દોની ગણતરી બતાવવામાં આવતી હતી, હવે ટેક્સ્ટ બોક્સમાં એક સર્કલ દેખાય છે. 280 શબ્દો પૂરા થશે ત્યારે સર્કલ ડાર્ક થઈ જશે.