Global Health Crisis વધતી વસ્તી અને ખરાબ જીવનશૈલી : વિશ્વભરના આરોગ્ય માટે ચિંતાનો વિષય
Global Health Crisis વિશ્વના અનેક દેશો માટે આજે સૌથી મોટો પડકાર બન્યો છે – વધતી વસ્તી અને તેની સાથે સંકળાયેલી ખતરનાક જીવનશૈલી. નિકટ ભવિષ્યમાં ભારત વિશ્વનો સૌથી વધુ વસ્તી ધરાવતો દેશ બની ગયો છે, જે 2025 સુધીમાં અંદાજે 1.46 અબજ લોકોની સંખ્યાએ પહોંચી જશે. આ વધતી વસ્તી માત્ર આંકડાનો વિષય નથી, પણ આરોગ્ય, શિક્ષણ, અને આધારભૂત સુવિધાઓ પર ભારણ પણ વધારશે.
હૃદયરોગ
વિશ્વ આરોગ્ય સંસ્થા (WHO)ના 2021ના અહેવાલ અનુસાર, દર વર્ષે લગભગ 39 મિલિયન લોકો હૃદયરોગથી મૃત્યુ પામે છે, જે સમગ્ર વિશ્વમાં મૃત્યુના 57% કેસ છે. ઇસ્કેમિક હૃદય રોગ અને સ્ટ્રોક જેવા રોગો વિશેષરૂપે જીવલેણ સાબિત થઈ રહ્યા છે. આ રોગો પાછળની મુખ્ય કારણો છે – તણાવભરી જીવનશૈલી, તંદુરસ્ત ખોરાક અને વ્યાયામનો અભાવ.
આ 10 રોગો વિશ્વના સૌથી ખતરનાક રોગોમાં ગણાય છે
WHO અનુસાર નીચેના 10 રોગો દુનિયામાં સૌથી વધુ મૃત્યુ માટે જવાબદાર છે:
- હૃદય રોગ
- ક્રોનિક ઓબ્સ્ટ્રક્ટિવ પલ્મોનરી ડિસીઝ (COPD)
- નીચલા શ્વસન માર્ગના ચેપ
- ફેફસાં અને શ્વાસનળીના કેન્સર
- ડાયાબિટીસ
- અલ્ઝાઈમર અને ડિમેન્શિયા
- ડિઆરિયા સંબંધિત રોગ
- કિડની રોગ
- માર્ગ અકસ્માત
- ક્ષય રોગ (ટીબી)
યુવાનોમાં વધતી ડાયાબિટીસ અને સ્થૂળતા
આજના યુવાનોમાં ડાયાબિટીસ અને સ્થૂળતા વધી રહી છે. ફાસ્ટ ફૂડ, બેસી રહેવાની ટેવ અને શરીર ચલાવવાનો અભાવ – આ બધું યુવાનીમાં ગંભીર રોગોનું કારણ બની રહ્યું છે. લાંબા ગાળે આવા રોગો અન્ય ગંભીર બીમારીઓના દરવાજા ખોલી શકે છે.
તંદુરસ્ત જીવનશૈલી અપનાવવી હવે એક વિકલ્પ નહિ, જરૂરિયાત છે
આ મૌન ઘાતકો સામે લડવા માટે જરૂરી છે કે લોકો સમયસર ચેતી જાય. રોજિંદી જીવનશૈલીમાં નિયમિત વ્યાયામ, સંતુલિત આહાર, ધ્યાન અને તણાવ મુક્ત જીવનશૈલી અપનાવવી અત્યંત આવશ્યક છે. શારીરિક તંદુરસ્તી જ લાંબી અને ગુણવત્તાયુક્ત જિંદગીની ચાવી છે.
અસ્વીકરણ: આ લેખમાં આપેલી માહિતી માત્ર સામાન્ય જ્ઞાન માટે છે. કોઈપણ નવો ડાયટ પ્લાન કે ઉપચાર શરૂ કરતાં પહેલા ડૉક્ટરની સલાહ અવશ્ય લેવી.
