Unified Pension Scheme કર્મચારીઓ માટે મોટી રાહત: UPS અને NPS બંને માટે હવે સમાન આવકવેરા છૂટ લાગુ, 30 સપ્ટેમ્બર સુધી સ્વિચ કરવાનો વિકલ્પ ઉપલબ્ધ
Unified Pension Scheme કેન્દ્ર સરકારના કર્મચારીઓ માટે એક મહત્વની જાહેરાત કરવામાં આવી છે. હવે યુનિફાઇડ પેન્શન સ્કીમ (UPS) પસંદ કરનારા કર્મચારીઓને પણ NPS (નેશનલ પેન્શન સ્કીમ) જેવી જ ટેક્સ છૂટ મળશે. નાણા મંત્રાલયે 4 જુલાઈ 2025ના રોજ જાહેર કરેલી પ્રેસ રિલીઝમાં સ્પષ્ટ કર્યું છે કે UPS પર પણ હવે NPS જેવી જ આવકવેરા લાભોની છૂટ આપવામાં આવશે.
આ પગલાનું મુખ્ય ઉદ્દેશ્ય UPSને પ્રોત્સાહન આપવાનું છે, જેથી વધુ કર્મચારીઓ આ યોજનાનો લાભ લઈ શકે. સરકારએ જણાવ્યું છે કે NPS અને UPS બંને યોજના પર હવે સમાન ટેક્સ બેનિફિટ લાગુ રહેશે, જેથી બે અલગ યોજનાઓ વચ્ચે કોઈ ભેદભાવ ન રહે.
NPS હેઠળ મળતી ટેક્સ છૂટ હવે UPS પર પણ લાગુ થશે:
ક્લોઝ્ડ ઓલ્ડ ટેક્સ રિજીમ હેઠળ:
80CCD(1): કર્મચારીના પગારના 10% સુધીના યોગદાન (અથવા રૂ. 1.5 લાખ સુધી, જે પણ ઓછું હોય) પર કર છૂટ મળે છે.
80CCD(1B): રૂ. 50,000 વધારાના યોગદાન પર વધારાની છૂટ મળે છે.
80CCD(2): નોકરીદાતા દ્વારા કરવામાં આવેલા યોગદાન (બેસિક + DA ના 14%) પર સંપૂર્ણ ટેક્સ છૂટ મળે છે.
નવી ટેક્સ રિજીમ હેઠળ:
ફક્ત સરકાર દ્વારા કરાયેલ યોગદાન (14%) પર જ ટેક્સ છૂટ મળશે.
UPS માટે સ્વિચ કરવાની છેલ્લી તારીખ શું છે?
મુળ તારીખ 30 જૂન 2025 હતી, પરંતુ હવે સરકારએ તેને વધારીને 30 સપ્ટેમ્બર 2025 કરી છે. UPS 1 એપ્રિલ 2025થી અમલમાં આવી છે અને એનો હેતુ સરકારી કર્મચારીઓને નિવૃત્તિ પછી નિશ્ચિત પેન્શન સુવિધા પૂરી પાડવાનો છે.
UPS અંતર્ગત પેન્શન સ્ટ્રક્ચર:
જો કોઈ કર્મચારી ઓછામાં ઓછા 25 વર્ષ સેવા આપે છે, તો નિવૃત્તિ સમયે તે પોતાના છેલ્લા 12 મહિનાની સરેરાશ બેસિક સેલેરીના 50% જેટલું પેન્શન મેળવશે. જો સેવા 10થી 25 વર્ષ વચ્ચે છે, તો પેન્શન પણ પ્રમાણમાં મળશે. જો સેવા 10 વર્ષ કે તેથી વધુ હોય અને યોગદાન નિયમિત ચૂકવ્યું હોય, તો દર મહિને ઓછામાં ઓછું ₹10,000 પેન્શનની ખાતરી આપવામાં આવશે.
આ બદલાવ કર્મચારીઓ માટે મોટું રાહતભર્યું પગલું સાબિત થઈ શકે છે, ખાસ કરીને તેમના માટે કે જેમને NPS બદલે નિશ્ચિત પેન્શનવાળી યોજના પસંદ કરવી છે.
