કોંગ્રેસમાં જ રહીશ: શંકરસિંહ વાઘેલા

ગાંધીનગર: કોંગ્રેસના નેતા શંકરસિંહ વાઘેલાએ સોશિયલ મીડિયા પરથી ભાજપ વિરૂદ્ધની કોમેન્ટ્સ તથા નેતાઓને અનફોલો કરવા મુદ્દે આજે પત્રકાર પરિષદ યોજી હતી. જેમાં તેમણે જણાવ્યું હતું કે હું મુખ્યમંત્રી પદની રેસમાં નથી. મેં તમામ એકાઉન્ટમાંથી ઘણા નેતાને અનફોલો કર્યા છે અને ઘણી બધી ટ્વીટર પોસ્ટ ડિલિટ કરી છે. તમામ વિવાદોથી દુર રહેવા આ પગલું ભર્યું છે. પહેલા કોઈ સોશિયલ મીડિયા પ્લેટફોર્મ નહોતા તો શું કામ નહોતા ચાલતા? શંકરસિંહે જણાવ્યું હતું કે મૂળ કારણ ખોટી માહિતી ના ફેલાય એટલે જેટલા સોશિયલ મીડિયા એકાઉન્ટ હતા અને મારા વર્કર્સને મેં ના પાડી કે કોઈને સોશિયલ નેટવર્ક ઉપર ફોલો ના કરે. અમારું જે પ્લાનિંગ થઇ રહ્યું છે તેમાં કોઈ મિસઇન્ફરમેશન અથવા ગેરસમજણ અને મિસબ્રીફિંગ ના થાય એ મૂળ ઉદ્દેશ્ય છે. તેમણે “તમે ભાજપમાં જોડાવાના છો” તેવા સવાલના જવાબમાં કહ્યું હતું કે, “અમિત શાહ સામેથી જાહેરમાં મળવા આવ્યા હતા. એમા ભાજપમાં જોડાવાનો છું તેવી અફવાઓ ફેલાઇ. કોંગ્રેસ પાર્ટીની સિસ્ટમ મુજબ બધું ચાલે અને તેમાં કોઈ ગેરસમજણ ના થાય એટલે મેં સોશિયલ મીડિયામાં બધાને અનફોલો કર્યા છે. સોશિયલ મીડિયા દ્વારા કોઈ ખોટી રીતે ક્વોટ ના કરે એ પણ ધ્યાનમાં રાખીને મેં આ કામ કર્યું છે. તેમણે એ પણ સ્પષ્ટતા કરી કે, “લોકોના મનમાં ખોટું ઘુસી ગયેલું છે કે હું સીએમ બનવા માટે આમ કરી રહ્યો છું. હું અગાઉ કેબિનેટ મિનિસ્ટર અને સીએમ તરીકે અગાઉ મારું કામ એન્જોય કરી ચુક્યો છું.  ટ્વીટર, ફેસબુક અને અન્ય સોશિયલ મીડિયા ઉપર અન્યોને ફોલો કરવા અને નેગેટીવ પોસ્ટ્સ દુર કરવાનું નક્કી કર્યું છે. આ ટેકનોલોજી હમણાં આવી… પહેલા ક્યાં હતું? હું બધું હટાવી અને ઝીરો ફોલોવિંગ ઉપર આવ્યો છું જેથી એનો દુરુપયોગ ના થાય. પ્રશાંત કિશોર વિષે શંકરસિંહે જણાવ્યું હતું કે, ભૂતકાળમાં પ્રશાંત કિશોર ઘણાના સલાહકાર રહ્યા છે. મેં સુચન કરેલું કેમ કે એ થર્ડ પાર્ટી છે તો ક્લીયર ઓપીનીયન હોય. મૂળ નિર્ણય દિલ્હીથી પાર્ટી લેશે. તેમણે પત્રકારોને કહ્યું કે તમને તમામને સાચી અને સ્પષ્ટ માહિતી યોગ્ય સુત્રો દ્વારા પહોંચતી રહેશે. સોશિયલ મીડિયાથી કોઈ ખોટી માહિતી પ્રસરે નહી એ માટે અમે આ પગલું લેવાનુ નક્કી કર્યું છે.