ગુજરાત માં સરેરાશ 73 % મતદાન:29 મીએ મત ગણતરી

રાજ્યની 8954 ગ્રામ પંચાયતોની ચૂંટણી 27મી ડિસેમ્બરના મંગળવારે એટલે કે આજ રોજપૂર્ણ થઈ હતી અને આજની મતદાન પ્રક્રિયામાં કુલ 1,47,749 ઉમેદવારોનું ભાવિ મતપેટીમાં સીલ થઈ ગયા છે.વિગતો મુજબ સમગ્ર રાજ્યમાં સરેરાશ 73 % મતદાન થયું છે. રાજ્યના તમામ જિલ્લામાં એકંદરે શાંતિપૂર્ણ મતદાન થયું હતું. 29મી ડિસેમ્બરે મત ગણતરી હાથ ધરાશે. ભાજપ અને કોંગ્રેસ બંને માટે આ ચૂંટણીજંગ ખરાખરીનો બની રહેવાનો છે. સૌપ્રથમ વખત પંચાયતની ચૂંટણીમાં મતદાર નોટાનો ઉપયોગ કરાયો હતો, રાજ્ય ના આ શહેરો માં આ મુજબ સરેરાશ મતદાન નોંધાયું હતું, જેમાં મોરબી- 58%,વડોદરા- 63%,અમરેલી- 55%,સુરત- 59%,અમદાવાદ- 60%,બનાસકાંઠા- 50%,રાજકોટ- 53%પાટણ- 52%,ભરૂચ- 58%,નવસારી-60%,ગાંધીનગર-55%,જૂનાગઢ-60%,પંચમહાલ-55%,ગીરસોમનાથ-68%,સુરેન્દ્રનગર-58%,નર્મદા-58%,વલસાડ-50%,જામનગર-56%,દેવભૂમિદ્ગારકા- 58%,તાપી- 60%,મહેસાણા- 70%,સાબરકાંઠા- 62%,આણંદ-70%,ભાવનગર- 64,બોટાદ- 62% મતદાન નોંધાયું છે. ગ્રામ પંચાયત ની ચૂંટણી હોવાથી ગામો માં ભારે ઉત્સુકતા જોવા મળી હતી અને દિવસભર દોડધામ ના દ્રશ્યો જોવા મળ્યા હતા.