ચક્ષુદાન માટે ગણદેવીમાં મશાલ રેલી યોજાઇ

અત્રે રોટરી કલબ ઓફ ગણદેવી દ્વારા તથા રોટરી આઇ ઇન્સ્ટિટ્યૂટ નવસારી સંચાલિત સંત પુનિત ચક્ષુબેંક નવસારીના સહયોગીથી ગણદેવી ખાતે ચક્ષુદાન અંગે જનજાગૃતિ લાવવાના શુભ આશયથી મશાલ રેલીનું આયોજન કરવામાં આવ્યું હતું. આ રેલીની શરૂઆત ધ.ના. ભાવસાર કુમાર શાળાની સામે સરદાર વલ્લભભાઇ પટેલની પ્રતિમાને સુત્તરની આંટી પહેરાવી તથા પુષ્પો અર્પણ કરીને કરવામાં આવી હતી. રેલીની શરૂઆત પી.એસ.આઇ. આલ સાહેબ તથા રોટરી આઇ ઇન્સ્ટિટ્યૂટ ના માનદમંત્રી યોગેશભાઇ નાયક દ્વારા કરાવવામાં આવી હતી. આ રેલીમાં ગણદેવી નગરની અનેકવિધ સામાજિક તથા સેવાભાવી સંસ્થાના હોદ્દેદારો તથા સભ્યો જાડાયા હતા. મહિલા મંડળ ગણદેવી, મહિલા મંડળ ધનોરી, લાયન્સ કલબ ગણદેવી, જય ભવાની ગૃપ ગણદેવી, બ્લોક હેલ્થ ઓફિસ તથા સામૂહિક આરોગ્ય કેન્દ્ર ગણદેવી, સહકારી સંસ્થાઓ, આર.સી.સી. ના સભ્યો, કોલેજના યુવાનો, શાળાના બાળકો, કે.જી.દલાલ પ્રા.લિ., ગઝદર ઇ.સી.સ્કૂલના વિદ્યાર્થીઓ, મહિલાઓએ સ્વયંભૂ રીતે મોટી સંખ્યામાં ભાગ લઇને રેલીને સફળ બનાવી હતી. રેલીને ચંડિકા માતાના ચોક ઉપર ચોતરા પાસે વિરામ આપવામાં આવ્યો હતો. આ પ્રસંગે રોટરી કલબના પ્રમુખ હિરલ નાયક તથા મંત્રી મુકેશ વશી, અનિષચંદ્ર નાયક, અમિત નાયક, પંકજ નાયક, યોગેશ નાયક, સંદિપ નાયક, પરેશ અધ્વર્ય વગેરે સક્રિય કામગીરી કરી રેલીના આયોજનને સફળ બનાવ્યું હતું.