બમરોલીની હરિઓમ સોસાયટીના કાપડના કારખાનામાંથી 1.13 લાખની મત્તાના 72 નંગ ગ્રે-કાપડના તાંકાની ડિલીવરી કરવા નીકળેલો ટેમ્પો ચાલક રફુચક્કર થઇ જતા કારખાનેદારે પાંડેસરા પોલીસ મથકમાં વિશ્વાસઘાતની ફરિયાદ નોંધાવી છે. પાંડેસરા-બમરોલી રોડ સ્થિત હરિઓમ સોસાયટી-2 માં જય ટેક્સટાઇલ નામે કાપડનુ કારખાનુ ચલાવતા રાજુ માધવલાલ પટેલ (ઉ.વ. 42 રહે. બિલ્ડીંગ નં. સી-2, ઓમ કોમ્પ્લેક્ષ, મિલન પોઇન્ટ, પાંડેસરા અને મૂળ વરવાળા, તા. પાટણ, જિ. મહેસાણા) એ ગત તા. 19 નવેમ્બર 2019ના રોજ ગ્રે-કાપડની ડિલીવરીનુ કામ કરતા ટેમ્પો નં. જીજે-5 બીવાય-8299 ના ચાલક ધર્મેન્દ્ર લક્ષ્મી ચૌહાણ(રહે. ઉમા સોસાયટી, અલથાણ)ને ઉધના બીઆરસી સ્થિત લક્ષ્મીનારાયણ સોસાયટીમા આવેલા કિરણ ટેક્સટાઇલમા 72 નંગ ગ્રે-કાપડના તાંકા કિંમત 1.13 લાખની મત્તાના બે અલગ-અલગ ડિલીવરી ચલણ બનાવીને મોકલાવ્યો હતો. છેલ્લા દોઢ વર્ષથી ગ્રે-કાપડની ડિલીવરીનુ કામ કરતો ધર્મેન્દ્ર તાંકાની ડિલીવરી કર્યાના બીજા દિવસે ડિલીવરી ચલણ આપવા આવતો હતો. પરંતુ રાબેતા મુજબ ધર્મેન્દ્ર ચલણ આપવા પરત આવ્યો ન્હોતો. જેથી ફોન પર સંર્પક કરવાનો પ્રયાસ કર્યો હતો પરંતુ ધર્મેન્દ્રનો ફોન બંધ હતો. જેથી કિરણ ટેક્સટાઇલના માલિક કમલ અગ્રવાલનો સંર્પક કરતા તાંકાની ડિલીવરી હજી સુધી મળી નથી એમ કહેતા રાજુ ધર્મેન્દ્રના ઘરે ગયો હતો. પરંતુ તેનુ ઘર બંધ હતું અને અઠવાડિયા બાદ મોબાઇલ ફોન પર સંર્પક થતા ધર્મેન્દ્રએ પોતે વતનમાં હોવાનુ આજકાલમા આવ્યા બાદ ડિલીવરી કરી ચલણ આપવા આવશે એમ કહ્યુ હતુ. પરંતુ આજ દિન સુધી ધર્મેન્દ્ર પરત નહિ આવતા છેવટે આ અંગે પાંડેસરા પોલીસ મથકમા વિશ્વાસઘાતની ફરિયાદ નોંધાવી હતી.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.