Ahmedabad Jagannath Yatra ભક્તિના મહાપર્વમાં સર્જાઈ અફરાતફરી, યાત્રામાં અવ્યવસ્થા જોવા મળી
Ahmedabad Jagannath Yatra અમદાવાદમાં યોજાતી ભગવાન જગન્નાથની પ્રખ્યાત રથયાત્રા દરમિયાન એક દુઃખદ ઘટના સર્જાઈ. યાત્રા દરમિયાન એક હાથી DJના ઘમઘમતા અવાજને કારણે ઘબરીને બેકાબૂ થઈ ગયો. પરિણામે, લોકોમાં દોડધામ મચી ગઈ અને અનેક ભક્તો ઘાયલ થયા. મંદિર પાસેથી શરૂ થયેલી શોભાયાત્રા સહી રીતે ચાલી રહી હતી, પરંતુ એક સમયે DJનું સાઉન્ડ સિસ્ટમ ખૂબ ઉંચા અવાજે વગાડવામાં આવતું હતું, અને એ અવાજથી હાથી ગભરાઈ ગયો.
અવાજના કારણે હાથી બેકાબૂ, ઘાયલ થનારમાં વૃદ્ધો અને બાળકો પણ
ઘટનાની વિગત અનુસાર, યાત્રામાં સામેલ એક હાથીને DJના ધમધમતા સાઉન્ડથી અશાંતિ અનુભવી હતી. પરિણામે હાથીએ અચાનક પોતાનું નિયંત્રણ ગુમાવી દીધું અને આગળ ધસી ગયો. આ દરમિયાન લોકોમાં ભયનો માહોલ છવાઈ ગયો અને નાસભાગમાં કેટલાક યાત્રાળુઓ ઘાયલ થયા. ઘાયલ થયેલાઓમાં કેટલાક વૃદ્ધો અને બાળકો પણ હતા, જેમને તાત્કાલિક સારવાર માટે નજીકના હોસ્પિટલમાં ખસેડવામાં આવ્યા છે.
#WATCH | Gujarat | Police Commissioner GS Malik visits command and control room as the 148th Rath Yatra of Lord Jagannath, sister Subhadra and brother Balram took place in Ahmedabad today and is the longest Yatra in the country.
Commissioner GS Malik says, "The Rath Yatra… pic.twitter.com/C3HgzvDts0
— ANI (@ANI) June 27, 2025
સુરક્ષા વ્યવસ્થાની પકડ છૂટતી જોવા મળી
જગન્નાથ યાત્રા જેવું વિશાળ અને ભવ્ય આયોજન શહેરના દરેક વિભાગ દ્વારા સંભાળવામાં આવે છે. છતાં, આવા બનાવો સુરક્ષા વ્યવસ્થાની ગંભીરતા સામે સવાલ ઊભા કરે છે. પ્રશ્ન એ છે કે હાથી જેવા જાનવરો જ્યારે યાત્રામાં સામેલ થાય છે, ત્યારે શું પૂરતી તકેદારી લેવામાં આવી રહી છે? શું DJ જેવા ઉપકરણોનો અવાજ નિયંત્રિત કરવામાં આવી રહ્યો છે?
સ્થાનિક લોકો અને મહામંડળોનો વિરોધ
ઘટનાને પગલે સ્થાનિક લોકો અને યાત્રા મહામંડળોએ સરકાર અને પ્રશાસન સામે રોષ વ્યક્ત કર્યો છે. તેમણે માંગ કરી છે કે યાત્રામાં જાનવરોના ઉપયોગ અંગે નવી માર્ગદર્શિકા બનાવવી જોઈએ અને સાઉન્ડ સિસ્ટમના અવાજને પણ નિયંત્રિત કરવો જોઈએ જેથી ભવિષ્યમાં આવા બનાવો ન બને.
