Ahmedabad plane crash insurance claim: વિમાન દુર્ઘટનામાં 265 જેટલા મોત, જે દેશના હવાઈ ઇતિહાસમાં ભયાનક ઘટના બની
Ahmedabad plane crash insurance claim: અમદાવાદમાં થયેલી હવાઈ દુર્ઘટના માત્ર માનવિય દ્રષ્ટિએ નહીં, પણ આર્થિક દ્રષ્ટિએ પણ ખૂબ જ મોટી સાબિત થઇ રહી છે. ઘટનામાં વિમાન સહિત અનેક માનવજીવો ગુમાવાયા છે અને તેની પાછળ વીમા દાવાની રકમ આશરે ₹1500 કરોડ સુધી પહોંચી શકે છે — જે ભારતના ઇતિહાસમાં સૌથી ઊંચી એવી વિમાન દુર્ઘટનાની વીમા રકમ બની શકે છે.
અહિયાં સુધીનો સૌથી મોટો વિમાન વીમા દાવો?
વિમાન દુર્ઘટનાના પગલે તાજેતરમાં જે આંકડા સામે આવ્યા છે તે મુજબ, એર ઇન્ડિયાની ફ્લાઇટ AI-171 12 જૂન, 2025ના રોજ મેડિકલ કોલેજના હોસ્ટેલ પર ક્રેશ થઈ હતી. દુર્ઘટનાના સમયે વિમાનમાં કુલ 241 મુસાફરો હતા અને તેમાંના મોટાભાગના લોકોના મૃત્યુ થયા હતા. કુલ મૃત્યુઆંક 265 સુધી પહોંચ્યો હોવાનું જણાવાયું છે.
મોન્ટ્રીયલ કન્વેન્શન હેઠળ વળતર નક્કી
ભારત 1999ના મોન્ટ્રીયલ કન્વેન્શનનો હિસ્સો હોવાથી, મુસાફરોના પરિવારોને નુકસાન માટે નક્કી વળતર મળે છે. દરેક મૃતક માટે આશરે ₹1 કરોડના વળતરની શક્યતા છે. આથી, માત્ર મુસાફરોના વળતર માટે અંદાજે ₹240 કરોડથી વધુની રકમ ચુકવવાની શક્યતા છે.
વિમાન અને તૂટી ગયેલા ઇન્ફ્રાસ્ટ્રક્ચરનું વીમા મૂલ્ય
દુર્ઘટનામાં જે બોઇંગ 787-8 વિમાન સંપૂર્ણપણે તબાહ થયું છે તેનું વીમા મૂલ્ય ₹650 થી ₹700 કરોડની વચ્ચે ગણવામાં આવી રહ્યું છે. ઉપરાંત હોસ્પિટલ અને મેડિકલ સંકુલના જે હિસ્સા તૂટી પડ્યા છે તે માટે પણ સંભવિત વીમા દાવાઓ ઉઠી શકે છે.
વીમાની પૂરી વ્યવસ્થા કોણ સંભાળે છે?
વિમાનના વીમાનું સંચાલન ટાટા AIG જનરલ ઇન્શ્યોરન્સ કંપની દ્વારા કરવામાં આવે છે. આ યોજના માટે GIC Re, યૂનાઇટેડ ઇન્ડિયા, ઓરિએન્ટલ ઇન્શ્યોરન્સ, અને ICICI Lombard જેવી સંસ્થાઓ સહ-વીમાદાર તરીકે જોડાયેલી છે. આશરે 95% જોખમ આંતરરાષ્ટ્રીય પુનર્વીમા કંપનીઓ જેમ કે AIG, AXA XL, લંડન અને બર્મુડાની સંસ્થાઓ સાથે ફરીથી વીમિત છે.
વિમાન ઉડ્ડયન ક્ષેત્ર માટે ભવિષ્ય શું બતાવે છે?
આ દુર્ઘટનાનો સીધો પ્રભાવ વૈશ્વિક અને ભારતીય ઉડ્ડયન વીમા બજાર પર પડી શકે છે. વિશેષ કરીને ભારતમાં વિમાન ચલાવતા મોટા ઓપરેટર્સ માટે વીમાના દરો ઊંચા થઈ શકે છે. હાલ ભારતમાં ઉડ્ડયન વીમા બજારનો કદ લગભગ ₹900 કરોડ છે, પરંતુ આગામી સમયમાં આ આંકડા તથા વાર્ષિક પ્રીમિયમમાં નોંધપાત્ર વધારો થવાની સંભાવના છે.
આ ઘટના માત્ર એક દુર્ઘટના નથી, પણ આખા ઉડ્ડયન ક્ષેત્ર માટે ચેતવણીરૂપ છે. એવું માનવામાં આવે છે કે છેલ્લી વળતર રકમ કાનૂની દાવાઓ, પરિવારોના દાવાઓ, અને વિમાનનું નાશ.. કુલ વીમા દાવો ₹1000 થી ₹1500 કરોડના આકાર સુધી જઈ શકે છે.
