Ahmedabad plane crash વિજય રૂપાણીનું દુખદ અવસાન: લકી નંબર બની ગયો જીવનનો અંતિમ ચિહ્ન
Ahmedabad plane crash ગુજરાતના ભૂતપૂર્વ મુખ્યમંત્રી વિજય રૂપાણીનું 12 જૂન 2025ના રોજ એક દુર્ઘટનામાં દુખદ અવસાન થયું છે. અમદાવાદથી લંડન જઈ રહેલા એર ઈન્ડિયાની ફ્લાઈટ AI 171 થોડી મિનિટોમાં જ દુર્ઘટનાગ્રસ્ત થઇ ગઈ. તેઓ તેમની પત્ની અને પુત્રીને મળવા લંડન જઈ રહ્યા હતા. આ દુર્ઘટનામાં વિજય રૂપાણી સહિત અનેક યાત્રિકોનું પણ જીવ ગુમાવવો પડ્યો.
વિજય રૂપાણી માટે 1206/ 12/06—નમ્બર ખાસ મહત્વ ધરાવતો હતો. તેમણે આ નંબરને પોતાનો લકી નંબર માન્યો હતો. તેમના વાહનોના નંબરપ્લેટથી લઈ કેટલીક મુખ્ય તિથિઓ પણ આ નંબર સાથે સંકળાયેલી રહી હતી. દુર્ભાગ્યએ એવું થયું કે એ જ 12મી જૂનના દિવસે તેમને ભવિષ્યમાં દુર્ઘટનાનું ભયાનક ચિહ્ન બન્યું.
ભાજપના નેતાઓ અને સમર્થકોમાં ભારે શોકનો માહોલ છે. પંજાબના ભાજપ પ્રમુખ સુનીલ જાખડએ જણાવ્યું હતું કે રૂપાણીએ તેઓનું લંડનનું પ્રવાસ પહેલેથી 5 જૂન માટે ગોઠવ્યું હતું, પરંતુ લુધિયાણાની પેટાચૂંટણીના કારણે તેમણે તારીખ બદલવી પડી. જો તેઓ મૂળ તારીખે ગયા હોત તો કદાચ તેમના જીવને બચાવવામા સફળતા મળી હોત.
વિજય રૂપાણીના ભત્રીજા મેહુલ રૂપાણીએ મીડિયાને જણાવ્યું હતું કે આખો પરિવાર આઘાતમાં છે. તેમનાં અવસાન બાદ તેમની પત્ની અને પુત્રી પણ ભારત પરત ફરી રહ્યા છે. અમેરિકામાં રહેલા તેમના સગાં પણ છેલ્લા દર્શન માટે આવી રહ્યા છે.
રાજકોટ શહેર અને સમગ્ર ગુજરાતમાં શોકની લહેર ફરી વળી છે. ભૂતપૂર્વ મુખ્યમંત્રી તરીકે વિજય રૂપાણીએ રાજકારણમાં નોંધપાત્ર યોગદાન આપ્યું હતું. તેઓએ રાજકોટમાં એઈમ્સ લાવવાનો પ્રયાસ કર્યો હતો અને શહેરના વિકાસ માટે અનેક પ્રયાસો કર્યા હતા. તેમના અવસાન સાથે ગુજરાતે એક નિષ્ઠાવાન અને જનકલ્યાણમાં વિશ્વાસ ધરાવતા નેતાને ગુમાવ્યા છે.
વિજય રૂપાણીના આકસ્મિક અવસાનથી રાજકીય જગત સહિત સમગ્ર ગુજરાત માટે એક શૂન્યતાની અનુભૂતિ સર્જાઈ છે.
