અમદાવાદ માં નવા વર્ષ ની જોરદાર ઉજવણી :પોલીસ નો હળવો લાઠી ચાર્જ

2017 ના આગમન સાથે અમદાવાદીઓએ નવા વર્ષનું જોરદાર સ્વાગત કર્યું હતું.સી.જી.રોડ,એસ.જી.હાઈ‌વે,વસ્ત્રાપુર,કાંકરિયા અને ક્લબોમાં લોકોએ આતશબાજી અને બલૂન ઉડાડી થર્ટી ફર્સ્ટની ઉજવણી કરી હતી.શહેરના મોટાભાગના રોડ‘કાર્નિવલ’માં ફેર‌વાઈ ગયા હતા.નવા વર્ષને વધાવવા સીજી રોડ પર ઉત્સાહનો દરિયો ઊમટી પડ્યો હોય તેમ રોડની બંને તરફ લોકોની ભીડ ઊમટી પડી હતી. રંગબેરંગી ફૂગ્ગાઓ લઇ લોકોએ સીજી રોડની બંને તરફ ચાલવાની જગ્યા પણ છોડી નહોતી.  કાંકરિયા,એસજી હાઈવે પર લોકોની ભારે ભીડ જોવા મળી હતી.જોકે,એસજી હાઈવે પર મોડી રાત્રે આતશબાજી કરી રહેલા કેટલાક હરખઘેલાંઓને વિખેરવા માટે પોલીસને હળવો લાઠીચાર્જ કરવાની ફરજ પડી હતી.આતશબાજીને કારણે પકવાનથી ઈસ્કોન સુધી ટ્રાફિકજામના દ્રશ્યો સર્જાયાં હતાં. અમદાવાદ માં ઠેર ઠેર નવા વર્ષ ને અવકારવામાં આવ્યું હતું, અને નવી પેઢીમાં જુસ્સો જોવા મળ્યો હતો.