કેશ નથી તો કાઈ વાંધો નઈ ,ડેબિટ કાર્ડ થી ચૂકવો રીક્ષાભાડું..

હું અમદાવાદ નો રિક્ષાવાળો….એ જૂનું ગુજરાતીફિલ્મ નું ગીત ઘણા એ સાંભળ્યું હશે..આમેય અમદાવાદી રિક્ષાવાળા ખુબ હોશિયાર હોય છે તેનો તાજો દાખલો જોવા મળ્યો..અમદાવાદના રિક્ષાચાલક રાજુ શિર્કેએ પેસેન્જરોની સુવિધા માટે સૌથી પહેલુ સ્વાઈપ મશીન વસાવ્યું છે.રિક્ષામાં મુસાફરી કરતા પેસેન્જરો કેશલેસ ટ્રાન્ઝેક્શન કરતા થાય તે માટે સ્ટેટ બેન્ક ઓફ ઈન્ડિયા દ્વારા પ્રાયોગિક ધોરણે 200 રિક્ષાચાલકોને આ સ્વાઈપ મશીન આપવાનું નક્કી કર્યું છે.જેમાંથી સૌથી પહેલુ મશીન રાજુ શિર્કેએ મેળવ્યું છે.
માચીસની ડબ્બી કરતા થોડું જ મોટું આ સ્વાઈપ મશીન ઈન્ટરનેટથી કનેક્ટ હોવાથી તે મશીન વાપરવા માટે સ્માર્ટ ફોન હોવો જરૂરી છે.આ મશીનમાં કોઇ પણ બેન્કના ડેબિટ કાર્ડ-ક્રેડિટ કાર્ડથી રિક્ષાનું ભાડું ચૂકવી શકાશે. આ ઉપરાંત કોઇ પણ પેસેન્જર આ મશીનમાં ક્રેડિટ-ડેબિટ કાર્ડ સ્વાઈપ કરીને રાજુ શિર્કે પાસેથી રૂ.200થી રૂ.2000 સુધી રોકડા મેળવી શકશે.
મહત્વની વાત તો એ છે કે સામાન્ય રીતે 20 થી 25 હજાર ડિપોઝિટ ચૂકવીને મળવુ સ્વાઈપ મશીન જેવું જ આ મશીન એસબીઆઈ દ્વારા રિક્ષાચાલકોને માત્ર 200 રૂપિયાની ડિપોઝિટથી મળશે.જ્યારે રિક્ષાચાલકોને કરંટ એકાઉન્ટની જગ્યાએ સેવિંગ એકાઉન્ટના આધારે આ મશીન મળશે. મહત્વની વાત તો એ છે કે પેસેન્જરનું કાર્ડ સ્વાઈપ કરીને રૂ.200 થી 2000 સુધી આપવા બદલ રાજુ શિર્કેને એસબીઆઈ દ્વારા એક ટ્રાન્ઝેક્શન દીઠ 5 રૂપિયાનું વળતર આપવામાં આવશે.જ્યારે સ્વાઈપ મશીનનું માસિક રૂ.150 ભાડું રિક્ષાચાલકે બેન્કને આપવું પડશે. તો છેને અમદાવાદી રિક્ષાવાળા ની કમાલ..હોવે થી દરેક જગ્યા એ આ રીતે ભાડા ચુકવાશે તે દિવસો ખુબજ નજીક છે