‘પદ્માવત’ના વિરોધમાં ઝડપાયેલા મુખ્ય આરોપી સહિત 7ને જામીન

ફિલ્મ પદ્માવતના વિરોધમાં અમદાવાદ શહેરમાં થયેલી હિંસાના મુખ્ય સૂત્રધાર રાજેન્દ્રસિંહ વાઘેલાને જામીન મળી ગયા છે. મીરઝાપુર ગ્રામ્ય કોર્ટે રાજેન્દ્રસિંહ ઉર્ફ રાજભાને 25 હજારના બોન્ડ પર જામીન આપ્યા છે. રાજભા સહિત 7 આરોપીઓને જામીન પર મુક્ત કરવામાં આવ્યા છે. ફિલ્મ પદ્માવતના વિરોધમાં થિયેટર્સમાં તોડફોડ કરવા અને વાહનોને આગચંપીનું કાવતરું રાજભાએ સાણંદમાં ઘડ્યું હોવાનું પોલીસ તપાસમાં બહાર આવ્યું હતું.
અમદાવાદના મલ્ટિપ્લેક્સને વિરોધ કરી રહેલાં ટોળાએ રીતસર બાનમાં લઇ તોડફોડ અને વાહનોમાં આગચંપી કરી હતી. આગચંપીની ઘટના બનતા ઘટનાસ્થળે પહોંચેલી પોલીસે કેટલાક યુવકોની ધરપકડ કરી હતી. ઝડપાયેલા આરોપીઓની પૂછપરછમાં મલ્ટિપ્લેક્સમાં તોડફોડ અને આગચંપીનું કાવતરું સાણંદ ખાતે ઘડાયું હોવાનું બહાર આવ્યું હતું.