લોકડાઉનમાં ત્રણ શખ્સોએ ભેગા મળી દારૂનો ધંધો કરવાનું શરૂ કર્યું અને ધીમે ધીમે આખેઆખા ગોડાઉન ભાડે રાખી દારૂનો સ્ટોક કરવા લાગ્યા હતા.સતત ગોડાઉન બદલતા રહેતા દારૂના વેપારીઓને PCB એ દાણીલીમડા ખાતે રેડ કરીને ઝડપી પાડ્યા હતા.જ્યારે આરોપીઓ નાના બુટલેગરોને ડિલિવરી આપવા જતા હતા ત્યારે સમગ્ર રેકેટનો પર્દાફાશ થયો છે.હવે આખા અમદાવાદમાં દારૂના કેરિયરની વિગત બહાર આવે એવું પોલીસ માની રહી છે.
દારૂના ધંધામાં બુટલેગરના અવનવા કિમીયા સામે આવે છે ત્યારે હવે બુટલેગર પણ રીતસર ઇન્ડસ્ટ્રીઝની જેમ એસ્ટેટમાં ગોડાઉન ભાડે રાખીને દારૂનો જથ્થો મુક્ત હતા.ત્યારબાદ તેઓ રીક્ષા,બાઇક કે જે સાધન મળે એના વડે બિન્દાસ દારૂની ડિલિવરી આખા અમદાવાદ શહેરમાં કરતા હતા.PCB ની ટીમ ને બાતમી મળી હતી કે અલ કુબ એસ્ટેટ દાણીલીમડામાં એક ગોડાઉનમાં દારૂનો મોટો જથ્થો પડ્યો છે,જેથી PCB ની ટીમે રેડ કરી હતી,પણ પોલીસ ને જે બાતમી મળી હતી તેના કરતાં બહુ મોટો દારૂનો જથ્થો ત્યાં મળી આવ્યો હતો.
આ સમગ્ર રેકેટમાં પોલીસે ઇસતીયક સૈયદ,વિવેક સઘાણી અને મુસ્તાક શેખ ની ધરપકડ કરી છે,જ્યારે આ પ્રકરણમાં ઈલિયાસ સૈયદ હજી વોન્ટેડ છે,જેની પાસેથી અમદાવાદના દારૂના કેરિયરની વિગતો જાણવા મળશે,એવું તપાસ એજન્સી પાસેથી જાણવા મળી રહ્યું છે.
