અમદાવાદની AMTSનું વર્ષ 2018-19નું બજેટ રજૂ, 508.17 કરોડનું કરાયું

અમદાવાદમાં એએમટીએસનું વર્ષ 2018-19નું 508.17 કરોડનું બજેટ રજૂ કરવામાં આવ્યું. ડ્રાફ્ટ બજેટમાં કોઇ સુધારો કર્યા વગર બજેટ રજૂ કરવામાં આવ્યું. જે અમદાવાદ મ્યુનિસિપલ ટ્રાન્સપોર્ટ સર્વિસના ઇતિહાસમાં પ્રથમ વખત બન્યું.એએમટીએસનું વર્ષ 2018-19નું 508.17 કરોડનું બજેટ ચેરમેન દ્વારા રજૂ કરવામાં આવ્યું. દર વર્ષે રજૂ થતાં બજેટ કરતા ચાલુ વર્ષનું બજેટ વિશેષ છે. કેમ કે આ વખતે ડ્રાફ્ટ બજેટમાં કોઇ પણ પ્રકારનો સુધારો-વધારો કર્યા વગર જ બજેટ રજૂ કર્યું. ડ્રાફ્ટ બજેટમાં જરૂરી એવી જાહેરાતો કરવામાં આવી છે. વળી ગત બજેટના બાકી કામ પૈકી લાલ દરવાજા બસ મથકના રિનોવેશનનું કામ પૂરુ કરવાની બાબતને પ્રાધાન્ય અપાયું હોવાથી બજેટમાં કોઇ સુધારો કરાયો નથી બજેટમાં મુસાફરો માટે એક મહત્વની જાહેરાત કરવામા આવી છે. જે મુજબ દરેક બસસ્ટેન્ડ પર પીવાનુ ઠંડુ પાણી મળી રહે તે માટે કુલરની વ્યવસ્થાની જોગવાઇ કરવામાં આવી છે.