અમદાવાદમાં વાતાવરણ પલટાયું ઠંડીનું જોર વધશે

ઉત્તર ભારતના રાજયોમાં વેસ્ટર્ન ડિસ્ટર્બન્સની ભારે અસર હેઠળ ગુજરાતના ઉત્તર ભાગ અને સૌરાષ્ટ્રમાં પણ સાઈડ ઈફેકટ ઉભી થતાઅાજે વહેલી સવારથી અમદાવાદના વાતાવરણમાં અચાનક પલટો આવ્યો હતો, શહેરના કેટલાક વિસ્તારોમાં છુટોછવાયો વરસાદ પડ્યો હતો. શહેરમાં સવારથી જ વાદળછાયું વાતાવરણ થયું હતું. તાપમાનમાં ઘટાડો થઇ ઠંડક પ્રસરી હતી. કેટલીક જગ્યાએ ઝરમર વરસાદ પડ્યો હતો.
હજુ થોડા સમય પહેલા ઓખી વાવાઝોડાએ દસ્તક અાપી હતી ત્યાં ઉત્તરના રાજયો પંજાબ હરિયાણા રાજસ્થાન વગેરેમાં વેસ્ટર્ન ડીસ્ટર્બન્સની અસર થઈ છે અને એના કારણે ઉતર ગુજરાત અને સૌરાષ્ટ્રમાં પણ ઝાકળ અને છુટોછવાયો ઝાપટાનો વરસાદ વરસે છે. આજે દિવસ દરમિયાન સૌરાષ્ટ્રના અનેક શહેરોમાં ઝાકળવર્ષા થઈ હતી.તો સવારે ઠંડીનો ચમકારો થયો હતો.