અમદાવાદમાં હળવા વરસાદની આગાહી, અરવલ્લી જિલ્લામાં મેઘરાજાની પધરામણી

હવામાન વિભાગના જણાવ્યા અનુસાર રાજ્યમાં આવતા સપ્તાહમાં ચોમાસાનો વિધિવત પ્રારંભ થવાની શક્યતા છે. જ્યારે દક્ષિણ ગુજરાતમાં હળવાથી મધ્યમ વરસાદની શક્યતા દર્શાવવામાં આવી છે. જ્યારે રાજ્યના હવામાન વિભાગે સૌરા્ટ્ર-કચ્છ-ઉત્તર ગુજરાતમાં હજી પણ વરસાદ માટે થોડો રાહ જોવો પડશે તેવી આગાહી કરવામાં આવશે. જ્યારે રાજ્યના અરવલ્લી જિલ્લામાં મેઘરાજાએ પધરામણી કરી છે. મેઘરાજ અને માલપુર સહિતના ગ્રામ્ય વિસ્તારોમાં વરસાદ વરસ્યો છે. સમગ્ર વિસ્તારમાં વરસાદી માહોલને લઇને ખેડૂતોમાં ખુશીનો માહોલ જોવા મળ્યો હતો. જ્યારે બીજી તરફ રાજ્યમાં વરસાદ ખેંચાતા ખેડૂતોમાં ચિંતાની લહેર જોવા મળી છે. ચોમાસાના નિર્ધારિત સમય કરતકા વરસાદ મોડો પડ્યો છે. ચોમાસામાં વિલંબથી વાવણીને લઇને ખેડૂતો મુંઝવણમાં મુકાયા છે. માત્ર દક્ષિણ ગુજરાતમાં કેટલાક વિસ્તરોમાં વાવણી લાયક વરસાદ વરસ્યો છે. મધ્ય અને ઉત્તર ગુજરાતમાં વરસાદ ન પડતા વાવણી અટકી ગઇ છે. સૌરાષ્ટ્રમાં માત્ર દરિયાકાંઠામાં હળવો વરસાદ વરસ્યો છે.