ગુજરાતમાં પાટીદાર શહીદ યાત્રામાં જોડાશે હાર્દિક પટેલઃ અમદાવાદ

Gujarat માં પાટીદાર આંદોલનને ફરી ધમધમાવાના હેતુથી પાસ દ્વારા પાટીદાર શહીદ યાત્રાનું આયોજન કરવામાં આવ્યું છે . ઉંઝાથી શરૂ થયેલી આ પાટીદાર શહીદ યાત્રા ગઈકાલે અમદાવાદ જિલ્લામાં પ્રવેશી ચૂકી છે.આ યાત્રા પોલીસ સુરક્ષાની વચ્ચે જ શહીદ યાત્રા આજે અમદાવાદ શહેરમાં પ્રવેશ કરશે. જે અંગે પાસ સંગઠન મંત્રી દિલીપ સાબવાએ જણાવ્યું હતું. મહત્વની વાત એ છે કે પાટીદાર આગેવાન હાર્દિક પટેલ સાંજે ૬ વાગે નિકોલ ખાતે આવશે અને શહીદ યાત્રામાં જોડાશે. આ રેલીને અમદાવાદ જિલ્લા પોલીસ તેમજ અમદાવાદ શહેર પોલીસ દ્વારા મંજૂરી આપવામાં આવી છે. આ યાત્રા સાણંદથી સવારે ૮.૩૦ શરૂ થઈને અમદાવાદ શહેરના પાટીદાર વિસ્તારોમાં ફરીને સાજે ૬ વાગે નરોડા હરિદર્શન ચાર રસ્તા પહોંચશે. યાત્રા રવિવારે અમદાવાદ જિલ્લાના સાણંદથી સવારે ૮ .૩૦ કલાકે શરૂ થઇને મોડી સાંજ સુધી અમદાવાદના વટવા વિસ્તાર સુધી શહીદ યાત્રાનુ આયોજન કરાયું છે. આ યાત્રાનો મુખ્ય ઉદ્દેશ પાટીદાર આંદોલનને ફરીથી ઉભુ કરવા માટે છે. ત્યારે પાટીદાર સમાજમાં દ્વારા સરકાર સામે ફરીથી પાટીદાર સમાજને ઓબીસીમાં સમાવવાની માંગના હેતુથી શહીદ યાત્રા કાઢવામાં આવી રહી છે. Gujarat માં લોકસભા ચુંટણીની તૈયારી રાજકીય પક્ષો ઉપરાંત ભાજપને ભીસમાં લેવા માટે પાટીદાર સમાજે પણ શરૂ કરી દીધી છે. જેમાં એક તરફ હાર્દિક પટેલ પાટીદારોને ઓબીસીમાં સમાવવા ઉપરાંત ખેડૂતો, યુવાનો અને હવે શિક્ષણના મુદ્દે સરકાર વિરુદ્ધ આંદોલન કરી રહ્યો છે. તેવા સમયે ગુજરાતમાં પાટીદાર અનામત આંદોલન દરમ્યાન શહીદ થયેલા ૧૪ પાટીદારોને લઈને પાટીદાર શહીદ યાત્રાની રવિવારથી ઉંઝાથી શરુ કરવામાં આવી છે. આ યાત્રાની સમાપ્તિ ખોડલધામ કાગવડ ખાતે કરવામાં આવશે. મહેસાણાના ઉંઝાથી પાટીદાર શહીદ યાત્રાનો પ્રારંભ કરવામાં આવ્યો હતો. ચાર હજાર કિલોમીટરની યાત્રા આખા રાજ્યમાં ફરી ખોડલધામ કાગવડ પહોંચશે. યાત્રામાં મોટી સંખ્યામાં પાટીદારો જોડાયા હતા. આયોજકોએ દાવો કર્યો હતો કે શહીદ યાત્રામાં ૪૦ લાખ લોકો જોડાશે. યાત્રામાં પાટીદાર અનામત આંદોલન દરમિયાન શહીદ થયેલા પાટીદાર યુવકોના પરિવારના સભ્યો પણ જોડાયા હતા. યાત્રા બે દિવસ સુધી મહેસાણા જિલ્લામાં ફરશે. યાત્રામાં કોઇ અઘટિત ઘટના ના બને તે માટે મોટી સંખ્યામાં પોલીસ કાફલો ગોઠવી દેવામાં આવ્યો છે. ઉંઝા ઉમિયા માતાજી ટ્રસ્ટના મંત્રીએ કહ્યું સમાજના હિતમાં નીકળેલ યાત્રામાં ઉમિયા માતાજી ટ્રસ્ટ સહભાગી બનશે.