Air India Plane Crash Ahmedabad : દુર્ઘટનાએ વિમાન ઉડ્ડયન ઉદ્યોગમાં ચેતવણી પેદા કરી
Air India Plane Crash Ahmedabad : અમદાવાદમાં 12 જૂને થયેલી એર ઇન્ડિયાની દુર્ઘટનાએ દેશભરના એવિએશન સેક્ટરને હચમચાવી દીધું હતું. આ દુર્ઘટનામાં ક્રૂ સહિત તમામ મુસાફરોનું દુઃખદ મોત થયું, જ્યારે માત્ર એક જ મુસાફર બચી શક્યો હતો. આ ઘટનાની તપાસ બાદ DGCAએ દેશના મુખ્ય એરપોર્ટ પર તાત્કાલિક નિરીક્ષણનો નિર્ણય કર્યો.
દિલ્હી–મુંબઈ સહિત મોટા એરપોર્ટ પર મોનીટરીંગ
સિવિલ એવિએશન મંત્રાલયના તાજા અહેવાલ મુજબ DGCAએ દિલ્હી, મુંબઈ સહિત અનેક એરપોર્ટ પર દિવસ-રાત મોનીટરીંગ માટે બે ખાસ ટીમોનું ગઠન કર્યું છે. આ ટીમો ફ્લાઇટ ઓપરેશન, એરવર્થિનેસ, રેમ્પ સેફ્ટી, ATC સિસ્ટમ, કોમ્યુનિકેશન, નેવિગેશન તથા સર્વેલન્સ સહિત તમામ મુદ્દાઓનું નિરીક્ષણ કરશે.
તપાસમાં ખુલાસો: વારંવાર દેખાઈ આવી જ સમસ્યાઓ
તપાસ દરમિયાન ખબર પડી કે વિમાનોમાં વારંવાર થતી સમાન ખામીઓ માટે યોગ્ય સમારકામ કરવામાં આવતું નથી. ગ્રાઉન્ડ હેન્ડલિંગ ઉપકરણો જેવી કે બેગેજ ટ્રોલી અને BFL પણ બિનઉપયોગી હાલતમાં મળી આવી.
જાળવણીમાં ઉણપ: થ્રસ્ટ રિવર્સર સિસ્ટમ અને ફ્લેટ સ્લેટ લીવર લોક નહોતી
તપાસમાં એ પણ ખુલ્યું કે વિમાનના જાળવણી દરમિયાન AME દ્વારા જરૂરી AMM સુરક્ષા નિયમોનું પાલન નહોતું કરવામાં આવ્યું. થ્રસ્ટ રિવર્સર સિસ્ટમ બિનઉપયોગી મળી આવી અને ફ્લેટ-સ્લેટ લીવર પણ લોક નહોતી કરાઈ.
એરક્રાફ્ટ જાળવણીમાં અનેક બેદરકારીઓ પ્રકાશમાં
કેટલાક કિસ્સાઓમાં AME દ્વારા જરૂરી ચેક કરવામાં આવેલ નહોતું. ટેક્નિકલ લોગબુકમાં ખામીઓ અંગે કોઈ ઉલ્લેખ નહોતો, સીટ નીચે લાઈફ સેવિંગ જેકેટ યોગ્ય રીતે મુકાયેલા નહોતા અને પાંખના બ્લેડ પર એન્ટી-રસ્ટ ટેપ પણ નુકસાનગ્રસ્ત જોવા મળી.
રનવે પર પણ સુરક્ષાની ખામીઓ
એરપોર્ટના રનવે પર પણ અનેક ત્રુટિઓ મળી આવી. સેન્ટ્રલ લાઇનના માર્કિંગ ઝાંખા થઈ ગયા હતા, રેપિડ એક્ઝિટ ટેક્સીવે અને ગ્રીન સેન્ટર લાઇટ્સ પણ પૂરતી દિશામાં કાર્યરત નહોતી.
ચેતવણી
અમદાવાદ વિમાન દુર્ઘટના બાદ એવિએશન ઉદ્યોગ માટે મંત્રાલયનો આ અહેવાલ ચેતવણીરૂપ બન્યો છે. એ દર્શાવે છે કે એરપોર્ટ, વિમાન તથા જાળવણી પ્રક્રિયાઓમાં વધુ કડક નિયમો અને દેખરેખ જરૂરી છે.
