Bridge Collapse on Rajpipla-Dediapada Highway : માત્ર બે વર્ષમાં તૂટી પડ્યો પુલ, હજારો લોકો મુશ્કેલીમાં
Bridge Collapse on Rajpipla-Dediapada Highway : નર્મદા જિલ્લાના રાજપીપળા-ડેડિયાપાડા હાઈવે નંબર 65 પર મોવીના યાલ ગામ પાસે બનાવાયેલો કામચલાઉ પુલ માત્ર બે વર્ષમાં પ્રથમ જ વરસાદે તૂટી પડ્યો. પુલ તૂટતાં ડેડિયાપાડા અને સાગબારા તાલુકાના 259 ગામડાંઓના વાહન સંપર્ક પૂર્ણપણે તૂટી ગયો છે.
લોકો જીવના જોખમે નદી પાર કરે છે, વિદ્યાર્થીઓને ભણવા જવામાં વિલંબ
પુલ તૂટી જતાં ગામના લોકોને રાજપીપળા પહોંચવા માટે હવે નેત્રંગ તરફથી 30 કિમીનો ફેરો ફરવો પડે છે. વિદ્યાર્થીઓ, કર્મચારીઓ અને ખેડૂતો માટે એ ભારે અસુવિધા સર્જાઈ છે. લોકો લાંબો ફેરો ટાળવા જીવના જોખમે પાણીમાંથી પસાર થાય છે.
પુલ નિર્માણમાં વારંવાર ઘોચ અને ખર્ચ છતાં નાગરિકોને રાહત નહિ
આ પુલ પર અગાઉ પણ 65 લાખના ખર્ચે બે વખત રિપેરિંગ કરવામાં આવ્યું હતું. છતાં હાલના ચોમાસામાં ત્રીજી વખત તૂટી પડતાં ફરીથી સરકારી તિજોરી પર રૂ. 25 લાખનો વધારાનો ખર્ચ થવાની શક્યતા ઉભી થઈ છે. અગાઉ પુલને ખોલવામાં આવ્યો હતો, જે ફરી નિષ્ફળ નિવડ્યો છે.
‘2 વર્ષમાં એક પુલ પણ નથી બનાવી શકી’: ચૈતર વસાવાની સરકાર પર તિખી ટિપ્પણી
આ ઘટનાને લઇ આમ આદમી પાર્ટીના ધારાસભ્ય ચૈતર વસાવાએ કહ્યું કે, “છેલ્લાં 30 વર્ષથી ગુજરાતમાં ભાજપની સરકાર છે, છતાં એક પુલ પૂરતો પણ યોગ્ય રીતે નિર્માણ થઈ શક્યો નથી. વિકાસના મોટા દાવા કરતા નેતાઓ હવે નકામા સાબિત થયા છે.”
વિનંતી છતાં પુલ કામ પૂરું ન થયું, સ્થાનિકોનો તીખો વિરોધ
સ્થાનિક રહેવાસીઓએ જણાવ્યું કે વર્ષોથી સમસ્યા યથાવત છે. એકવાર નહીં, બે વાર મંજૂરી મળતી હોવા છતાં પુલનું પાયાની મુશ્કેલી યથાવત છે. હવે સ્કૂલે જતા બાળકોથી લઈ રોજિંદા મુસાફરોને ભારે તકલીફનો સામનો કરવો પડે છે.
વિભાગે લીધું નિવેદન: પાણીના વધારાને કારણે ડાયવર્ઝન તૂટી ગયું
માર્ગ અને મકાન વિભાગના ઇજનેર સતીષ મોદીના જણાવ્યા અનુસાર પાણીના તીવ્ર પ્રવાહના કારણે કામચલાઉ ડાયવર્ઝન તૂટી પડ્યું છે. નવા નાળાના પુલ માટે વર્ક ઓર્ડર આપવામાં આવ્યો છે, પરંતુ ગ્રાન્ટ મોડી આવતાં કામ અટવાયું છે. હાલ નાનાં વાહનો માટે તાત્કાલિક રિપેરિંગ કરાશે.
એક તરફ સરકાર વિકાસના દાવાઓ કરે છે, બીજી તરફ માત્ર બે વર્ષમાં તૂટી પડેલા પુલના કારણે લોકો જીવના જોખમે મુસાફરી કરી રહ્યા છે. હવે પ્રશ્ન એ છે કે લોકોને મળતી રાહત ક્યારે વાસ્તવમાં જમીન પર દેખાશે?
