Brinjal Seedlings from Badhda Village: રીંગણના રોપા માટે જાણીતું ગામ હવે નર્સરી વ્યવસાયનું કેન્દ્ર બન્યું
Brinjal Seedlings from Badhda Village: અમરેલી જિલ્લાના સાવરકુંડલા તાલુકાનું નાનું ગામ બાઢડા આજે ગુજરાતમાં નર્સરીના શ્રેષ્ઠ ઉદાહરણ તરીકે ઓળખાઈ રહ્યું છે. અહીંના 20થી વધુ ખેડૂત પરિવારોએ પરંપરાગત ખેતી છોડીને નર્સરી વ્યવસાય અપનાવ્યો છે અને રીંગણના ઉચ્ચ ગુણવત્તાવાળા રોપાઓ વેચીને લાખોની આવક કરી રહ્યા છે.
દસ વર્ષમાં નાનાં પ્રયત્નોથી ઊભી કરી મોટી ઓળખ
સ્થાનિક ખેડૂત રમેશભાઈ પટેલ કહે છે કે પહેલાં ગામમાં વાવેતર ઓછું થતું હતું, પરંતુ હવે ગામમાં નર્સરીના માધ્યમથી ખેતી વધુ લાભદાયક બની છે. ગુલાબી દેશી રીંગણ, ચોકલેટી રીંગણ અને બારમાસી રીંગણના રોપા માટે ખેડૂતો દૂર દૂરથી અહીં ખરીદી માટે આવે છે.
માત્ર રીંગણ જ નહીં, અન્ય શાકભાજી રોપાઓ પણ કરે છે વેચાણ
બાઢડા ગામની નર્સરીઓમાં ટામેટા, કોબીજ, ફૂલાવર, મરચાં અને ડુંગળીના રોપાઓ પણ ઉપલબ્ધ છે. રીંગણના રોપા 1 થી 5 રૂપિયા દરે વેચાય છે, જ્યારે અન્ય શાકભાજી રોપા 100 થી 500 રૂપિયા પ્રતિ ફૂટ સુધીના ભાવે વેચાય છે.
ટેકનોલોજી આધારિત પદ્ધતિઓથી ઉચ્ચ ગુણવત્તાવાળા રોપા
ખેડૂતો હવે ડ્રિપ સિંચાઈ, પ્લાસ્ટિક પોટ ટેક્નીક, અને ઉચ્ચ ગુણવત્તાવાળા હાઈબ્રિડ બીજો નો ઉપયોગ કરી રહ્યા છે. કેટલાક ખેડૂતો પાસે નાની નાની ગ્રીનહાઉસ પણ છે જ્યાં વર્ષેને વર્ષ રોપા તૈયાર થાય છે.
યુવાઓ ખેતીમાં નવો અભિગમ લાવતા ઉદ્યોગસાહસિક બની રહ્યા છે
બાઢડા ગામના ઘણા યુવાનો નોકરી શોધવાને બદલે ગામમાં જ રહી નર્સરી ઉદ્યોગ શરૂ કર્યો છે. જે યુવાઓ માટે આત્મનિર્ભર બનવાનું એક ઉત્તમ સાધન બની રહ્યું છે. ખેતીમાં નવી દિશા આપતી આ પહેલ હવે ગ્રામિણ વિકાસનું ઉદાહરણ બની છે.
નર્સરીથી આવક વધતાં ગામના જીવનસ્તરમાં સુધારો
નર્સરીના ધંધાથી મળતી આવકને લીધે ગામમાં નવો ઉત્સાહ જોવા મળે છે. ઘણા પરિવારો નવા મકાનો બાંધ્યા છે, બાળકોને ખાનગી શાળાઓમાં ભણાવવામાં આવે છે અને ગ્રામજનોમાં આત્મવિશ્વાસ વધ્યો છે.
આવતી કાલમાં બાઢડાનું રૂપાંતરણ થઈ શકે છે રાજ્યના નર્સરી મોડેલમાં
જોકે હાલનું કામ ઘણું પ્રશંસનીય છે, પરંતુ કૃષિ વિભાગ તરફથી ટેકનિકલ માર્ગદર્શન અને સીધો માર્કેટ લિન્કેજ મળ્યો તો બાઢડા ગામ
આખા રાજ્ય માટે નર્સરી મોડેલ ગામ બની શકે છે. સ્થાનિક રીંગણના રોપાઓ હવે માત્ર ઉત્પાદન નહીં પણ આર્થિક સિદ્ધિનું પ્રવેશદ્વાર બની રહ્યા છે.
