છોટાઉદપુરઃ ક્ષય કેંન્દ્રના કર્મચારીએ ઉગામ્યુ હડતાલનું શસ્ત્ર, 1400 દર્દી મુશ્કેલીમાં જુઓ વીડિયો

 છોટાઉદેપુર ટીબી વિભાગના કરાર અધારીત કર્મચારીઓ એ કાયમી કરવાની માંગ સાથેના પડતર પ્રશ્નોને લઈ જિલ્લા ક્ષય કેંદ્ર્ને તાળાબંધી કરી અચોક્ક્સ મુદ્દ્તની હડતાળ ઉપર ઉતર્યા, ગંભીર બીમારીથી પિડાતા 1400 જેટલા દર્દીઓ મુશ્કેલીમાં મૂકાયા. સમગ્ર રાજ્યમાં આજે ક્ષય વિભાગના કરાર આધારિત કર્મચારીઓ સરકાર સામે દેખાવો કરી કાયમી કરવાની માંગ સાથે હડતાલ ઉપર ઉતર્યા છે તો છોટાઉદેપુર જિલ્લાનાં 20 જેટલા કર્મચારીઓ પણ જિલ્લા ક્ષય કેંદ્ર ને તાળાબંધી કરી અચોક્કસ મુદ્દ્ત ની હળતાલ ઉપર ઉતરી ગયા છે. અનેક વાર સરકાર સામે માંગણીઓ કરવા છતાં કોઇ ઉકેલ ના આવતા આખરે હડતાળ નુ શસ્ત્ર કર્મચારીઓ ઉગામ્યુ છે. ટી.બી. એ ગંભીર અને જીવલેણ બીમારી છે. ફક્ત છોટાઉદેપુર જિલ્લામાં જ 1300 થી વધુ ટીબીના દર્દી છે. ટીબીના દર્દીઓ ને સમયસર સારવાર ખૂબ જરૂરી હોય છે તેવામાં ટીબી વિભાગના કર્મચારીઓ હડતાલ ઉપર જતાં 1300 થી વધુ દર્દીઓ મુશ્કેલીમાં મૂકાયા છે. આ છે સુરેશ બારીયા તેઓ છેલ્લા દોઢ મહિનાથી ટીબી ની બીમારી સામે ઝ્ઝૂમી રહ્યા છે. સુરેશ બારીયાની ઉપર પોતાના માતા પિતા સહિત 4 સભ્યોની જવાબદારી છે તેવામાં કર્મચારીઓની હડતાળે સુરેશભાઈ ના જીવ સામે જોખમ ઉભુ કર્યુ છે.