CWC Meeting Ahmedabad : CWC બેઠકમાં 2027ની તૈયારી, ‘PATEL: A LIFE’ પુસ્તક ભેટ અને સરદાર સ્મારક પર કોંગ્રેસી એકતા દર્શાવતી તસ્વીરો
CWC Meeting Ahmedabad : કોંગ્રેસે આગામી સંસદીય અને વિધાનસભા ચૂંટણી માટે ગુજરાતની ધરતી પરથી નવા સંકલ્પ સાથે પોતાનું ઐતિહાસિક અધિવેશન શરૂ કર્યું છે. અમદાવાદના સરદાર વલ્લભભાઈ પટેલ સ્મારક ખાતે આજે યોજાયેલી કોંગ્રેસ વર્કિંગ કમિટિ (CWC)ની ચાર કલાક લાંબી બેઠકમાં મહાત્મા ગાંધી અને સરદાર પટેલની ભૂમિને પ્રેરણાસ્ત્રોત બનાવી રણનીતિઓ ઘડી હતી
.આ બેઠક બાદ તમામ CWC સભ્યોને ‘PATEL: A LIFE’ પુસ્તક ભેટરૂપે અપાયું અને નેતાઓએ સરદાર સ્મારક બહાર ગ્રુપ ફોટા ખેંચાવ્યા. દેશભરના વરિષ્ઠ નેતાઓની હાજરીમાં યોજાયેલી બેઠકમાં પાર્ટી અધ્યક્ષ મલ્લિકાર્જુન ખડગે, રાહુલ ગાંધી, સોનિયા ગાંધી સહિત અનેક મુખ્ય નેતાઓ જોડાયા.
ગુજરાતથી ફરી શરૂ સંકલ્પ
મલ્લિકાર્જુન ખડગેએ જણાવ્યું કે, “ગુજરાત એ રાજ્ય છે, જ્યાંથી કોંગ્રેસને ઐતિહાસિક શક્તિ મળી છે. આજનું અધિવેશન પાર્ટીના ભાવિ માટે મજબૂત પાયો પુરવાર થશે.” તેમણે કહ્યું કે પાર્ટીની ખરા મજબૂતી દેશની એકતા અને સામાજિક ન્યાયમાં છુપાઈ છે.
ઉદયપુર ડેક્લેરેશનનું અમલ
સચિન પાયલોટે CWC બેઠક બાદ કહ્યું કે ઉદયપુર ડેક્લેરેશન 2022 હવે જમીન પર ઉતારાયું છે. “અમે જનતા સુધી જઈશું, જનજાગૃતિ ફેલાવશું અને કાર્યકર્તાઓમાં નવી ઊર્જા ફૂંકીશું,” તેમ તેમણે ઉમેર્યું.
સુરક્ષાને પગલે વિલંબ અને સભ્યગણોની આંટા-પંટા
રાહુલ અને સોનિયા ગાંધી સવારે એર ઈન્ડિયાની લંડનથી આવેલી ફ્લાઇટમાં અમદાવાદ આવ્યા હતા. ફ્લાઇટમાં બોમ્બ હોવાની અફવાને કારણે તેમણે અમદાવાદ પહોંચવામાં વિલંબ અનુભવ્યો. બેઠક બાદ બંને નેતાઓ સાબરમતી આશ્રમ જવા રવાના થયા.
ભવિષ્યના માટે નક્કી થશે દિશા
9 એપ્રિલે યોજાનાર મુખ્ય અધિવેશનમાં 1,700થી વધુ પ્રતિનિધિઓ જોડાશે. કાર્યક્રમ ‘ન્યાયપથ: સંકલ્પ, સમર્પણ અને સંઘર્ષ’ થીમ પર આધારિત રહેશે અને તે સાબરમતી રિવરફ્રન્ટ ખાતે વિશાળ ડોમમાં યોજાશે. અહીં 2027ના વિધાનસભા ચૂંટણી માટે સંગઠનને મજબૂત બનાવવાનો ખાકો તૈયાર થશે.
ઐતિહાસિક પરિપ્રેક્ષ્યમાં અધિવેશન
હાલનું અધિવેશન એ સમયે આયોજિત થયું છે, જ્યારે મહાત્મા ગાંધીના કોંગ્રેસ અધ્યક્ષ તરીકે 100 વર્ષ પૂર્ણ થયા છે અને સરદાર પટેલની 150મી જન્મજયંતિ પણ ઉજવાઈ રહી છે. બંને મહાન નેતાઓનો જન્મસ્થળ ગુજરાત હોવાથી, કોંગ્રેસે આ ઐતિહાસિક અવસરે ગુજરાતને મંચ તરીકે પસંદ કર્યો છે.
મહત્ત્વપૂર્ણ મુદ્દાઓ પર ચર્ચા
CWC બેઠક દરમિયાન પાર્ટી દ્વારા અર્થતંત્રની મંદી, બેરોજગારી, ગરીબી અને સામાજિક અન્યાય જેવા મુદ્દાઓ પર ચર્ચા કરવામાં આવી. લોકસભામાં કોંગ્રેસના ઉપનેતા ગૌરવ ગોગોઈએ જણાવ્યું કે, “ગુજરાત જીતવાનો અમારું મુખ્ય લક્ષ્ય છે. હવે અમે જનસંપર્ક, પદયાત્રા અને ડોર-ટુ-ડોર અભિયાન શરૂ કરી દેશે.”
ગાંધી આશ્રમમાં પ્રાર્થના સભા
આજ સાંજે રાહુલ અને સોનિયા ગાંધી સાબરમતી આશ્રમમાં જઈ વિશેષ પ્રાર્થના સભામાં હાજરી આપશે. એ સાથે કોંગ્રેસની આંધોળન શક્તિ અને ગાંધીવાદી મૂલ્યો તરફના સમર્પણનો સંકેત પણ મળશે.
