Cyber Fraud Morbi: મોરબીમાં ચોંકાવનારી સાયબર ઠગાઈ
Cyber Fraud Morbi: મોરબીમાં એક મહિલાના બેંક ખાતામાંથી 24.34 લાખ રૂપિયા ગાયબ થઈ ગયા છે. ન્યુ ચંદ્રેશનગર શેરી નંબર 2માં રહેતી કાજલબેન સવજીભાઈ ગામી (ઉમર 36) આ ઠગાઈનો ભોગ બની છે.
RTO Challan એપ્લિકેશનથી થયો મોટો ઘોટાળો
કાજલબેનના પતિના મોબાઇલ પર વ્હાટ્સએપ દ્વારા RTO Challan ની APK એપ્લિકેશન મોકલાઈ હતી. તેમણે એ એપ્લિકેશન કાજલબેનના ફોનમાં ફોરવર્ડ કરી. જયારે કાજલબેને એ એપ ખોલી, ત્યારે તેમનો ફોન તરત જ હેક થઈ ગયો.
HDFC ખાતામાંથી 24.34 લાખ રૂપિયા ટ્રાન્સફર
હેકર્સે તરત જ કાજલબેનના HDFC બેંક ખાતામાંથી રૂ. 24,34,709 અન્ય અજાણ્યા ખાતાઓમાં ટ્રાન્સફર કરી દીધા. આ ઘટના બાદ કાજલબેને મોરબી એ ડિવિઝન પોલીસ સ્ટેશનમાં ફરિયાદ નોંધાવી હતી.
પોલીસે શરૂ કરી તપાસ
પોલીસે આ મામલે 1 મોબાઇલ નંબર અને અન્ય 8 વ્યક્તિઓ વિરુદ્ધ ગુનો દાખલ કર્યો છે. તપાસ શરૂ કરવામાં આવી છે અને આરોપીઓને પકડવાના પ્રયાસો ચાલી રહ્યા છે.
સાવચેત રહેવાની જરૂર
આ ચોંકાવનારી ઘટના એ બધાની ચેતવણી છે કે અજાણી એપ્લિકેશન કે લિંક ખોલતી વખતે ખાસ ધ્યાન રાખવું જરૂરી છે.
