ડ્રાઇવિંગ લાઇસન્સની કામગીરી હવે ખાનગી કંપનીઓને સોંપાશે RTOની કામગીરી થશે હળવી.

અમદાવાદ તા. ૨૮ : અમદાવાદ સહિત રાજયભરની આરટીઓમાં એસઆરપી હાઇસિકયોરિટી રજિસ્ટ્રેશન પ્લેટસની કામગીરી ખાનગી કંપનીઓને આપ્યા બાદ હવે ટૂંક સમયમાં જ ડ્રાઇવિંગ લાઇસન્સની કામગીરી પણ ખાનગી કંપનીઓને આપવામાં આવે તે માટેનું રાજય સરકારના વાહનવ્યવહાર વિભાગે આયોજન હાથ ધર્યું છે. આ અંગે વાહન વ્યવહાર પ્રધાન વલ્લભભાઇ કાકડિયાએ જણાવ્યું હતું કે (લર્નિંગ) કાચા ડ્રાઇવિંગ લાઇસન્સ માટેની જવાબદારી અને કામગીરી આઇટીઆઇને દરેક તાલુકાઓને સોંપીને આરટીઓની કામગીરી હળવી કરાઇ છે.
પાકા ડ્રાઇવિંગ લાઇસન્સ માટે જે ખાનગી કંપનીઓ પાસે ટેસ્ટ ટ્રેક માટે પૂરતી જગ્યા હશે અને અન્ય સુવિધાઓ હશે તેવી કંપનીઓ આગળ આવે તો તેમને આ પ્રકારની જવાબદારી સોંપવા માટે કેન્દ્ર સરકારની ગાઇડ લાઇન મુજબ આયોજન હાથ ધરાયું છે.
જેના નીતિ નિયમો બન્યા બાદ ટેન્ડરિંગની પ્રક્રિયા હાથ ધરાશે. કેન્દ્ર સરકારના પ્રસ્તાવને રાજય સરકારે સહમતી આપી દીધી છે. તેથી ડ્રાઇવિંગ લાઇસન્સ, નવાં વાહનોનું રજિસ્ટ્રેશન અને ફિટનેસ સર્ટિફિકેટ ખાનગી કંપનીઓ આપી શકે તે માટે કામગીરી હાથ ધરાઇ છે.હાલમાં આ તમામ કામગીરી આરટીઓના કર્મચારીઓ કરી રહ્યા છે. અત્યારે એચએસઆરપી પ્લેટની કામગીરીમાં સ્માર્ટ ચિપ કંપનીને મોકલવામાં આવે છે. તેના આધારે નંબર પ્લેટ બને છે. હવે વાહનનાં રજિસ્ટ્રેશન અને પરમિટ બનાવવાના અધિકાર પણ ખાનગી કંપનીઓને અપાશે હાલમાં દસ્તાવેજોનું વેરિફિકેટશન પણ આ