ફી નિયમનના કાયદાથી વાલીઓમાં ખુશીની લહેર

ફી નિયમન કાયદા અંગે ગુજરાત હાઇકોર્ટ તરફથી ખાનગી શાળાઓના સંચાલકોને ઝટકો લાગ્યો છે. ફી નિયમન ચુકાદા પર સ્ટે મૂકવા અંગે ખાનગી શાળાઓ દ્વારા કરવામાં આવેલી માંગ હાઇકોર્ટે ફગાવી છે. ફી અધિનિયમન સમિતિ બંધારણીય છે અને કોર્ટે તેમની સ્ટેની માંગ ફગાવી હતી. ઉલ્લેખનીય છે કે, હાઇકોર્ટના આ નિર્ણયથી ખાનગી શાળાઓના સંચાલકો બેફામ રીતે ફી વસૂલી નહીં શકે અને નફાખોરી પર લગામ લાગશે. અા નિર્ણયથી વાલીઓમાં ખુશીની લહેર વ્યાપી હતી. વાલીઓએ મિઠાઈ વહેંચી હતી, ફટાકડા ફોડ્યા હતા.
હાઇકોર્ટના આ ચુકાદાને કોંગ્રેસે આવકાર્યો છે. કોંગ્રેસના પ્રવક્તા મનિષ દોશીએ જણાવ્યું હતું કે, આ ચૂકાદા બાદ સરકાર દ્વારા ફી નિયમનની વ્યવસ્થા ગોઠવવાની ફરજ ૫ડશે. સરકાર તેમાં કાચી ૫ડશે તો કોંગ્રેસ વિધાનસભાની અંદર અને બહાર લડત આ૫શે.
અામ અત્યારે તો અા મહત્વપૂર્ણ નિર્ણયના અલગ અલગ અાઘાત પ્રત્યાઘાત પડી રહ્યા છે.