Final rites of crash victims: દેહ સાથે જરૂરી દસ્તાવેજો એક ફાઈલમાં આપવામાં આવ્યા
Final rites of crash victims: અમદાવાદમાં હમણાં ઘટેલી ભયાનક એર ઈન્ડિયા વિમાન દુર્ઘટનામાં જીવ ગુમાવનાર વડોદરાના મુસાફરો પૈકી છ મૃતકોના દેહ આજે તેમના પરિવારજનોને સોંપવામાં આવ્યા હતા. DNA ટેસ્ટિંગ દ્વારા ઓળખ પામ્યા બાદ તેમના પાર્થિવ દેહો પરિવારજનો સુધી પહોંચાડવાની પ્રક્રિયા રાજ્ય સરકાર અને જિલ્લા વહીવટીતંત્રની સંવેદનશીલ દેખરેખ હેઠળ પૂર્ણ થઈ.
નિયુક્ત અધિકારીઓ દ્વારા મૃતકોના પરિવારને સંપૂર્ણ સહાય
વડોદરાના છ મુસાફરોના DNA મેચ થયા બાદ, હોસ્પિટલે તેમના પરિવારજનોને સત્તાવાર રીતે માહિતી આપી હતી. તાત્કાલિક નિયુક્ત લાયઝન અધિકારીઓ પરિવાર સાથે સંપર્કમાં આવ્યા અને એમને સારવાર, કાયદાકીય દસ્તાવેજો, પોસ્ટમોર્ટમ રિપોર્ટ અને મૃત્યુ પ્રમાણપત્રો ઉપલબ્ધ કરાવ્યા. દરેક મૃતદેહ સાથે પરિવારજનો માટે અલગ વાહન, 108 એમ્બ્યુલન્સ અને પોલીસ સુરક્ષા સાથે દેહ વડોદરા પહોંચાડવામાં આવ્યો.
મૃતકોના પરિવારજનોને શાંતિથી વિદાય આપવા માટે ખાસ વ્યવસ્થા
જ્યારે પરિવારજનો પર દુ:ખનો પહાડ તૂટી પડ્યો છે, ત્યારે રાજ્ય સરકાર અને તંત્ર દ્વારા બનાવવામાં આવેલી વિશેષ વ્યવસ્થાએ તેમને થોડી શાંતિ આપી. અંતિમ સંસ્કાર સુધી કોઈ અવ્યવસ્થા ન સર્જાય અને પરિવારજનોને કોઈ તકલીફ ન પડે, તેનું ખાસ ધ્યાન રાખવામાં આવ્યું. સમગ્ર પ્રક્રિયા દરમિયાન તંત્રના અધિકારીઓ ખડેપગે હાજર રહ્યા.
અમદાવાદ સિવિલ હોસ્પિટલ ખાતે વડોદરાના અધિકારીઓની નિમણૂક
અંતિમવિધિની પ્રક્રિયાને ગતિ આપવા માટે જિલ્લા વહીવટીતંત્ર દ્વારા અમદાવાદ સિવિલ હોસ્પિટલ ખાતે વડોદરાના ચાર અધિકારીઓને નિયુક્ત કરવામાં આવ્યા છે. આ ઉપરાંત, સમગ્ર કામગીરી માટે 21 લાયઝન અધિકારીઓ અને 22 તબીબી અધિકારીઓ તહેનાત કરાયા છે, જે મૃતકના સ્વજનોને દરેક પગલાએ માર્ગદર્શન આપે છે.
વધુ મૃતદેહોની ઓળખ બનતી પ્રક્રિયામાં
હમણાં સુધી સ્વ. કલ્પનાબેન, સ્વ. અંજુબેન, સ્વ. અલ્સીનબેન, સ્વ. નરેન્દ્રભાઈ, સ્વ. ઉષાબેન અને સ્વ. વલ્લભભાઈ જેવા વિવિધ પીડિતોના દેહ પરિવારને સોંપાયા છે. લાવણિયા દંપતીના DNA પણ મેચ થયા છે અને તેઓના અંતિમ સંસ્કાર સોમવારે સવારે થવાના છે. કેટલીક ઓળખી શકાય તેવી દેહોની હાલ સુધીમાં ઓળખ થતાં કુલ 9 મૃતદેહોમાંથી 6 પીડિતોને તેમના પરિવારે સંસ્કાર આપ્યા છે.
