Flight Safety Check: એક દુર્ઘટનાએ જગાવ્યા અનેક પ્રશ્નો
Flight Safety Check: 12 જૂન, 2025ના રોજ અમદાવાદમાં બનેલી દુઃખદ વિમાન દુર્ઘટનાએ સમગ્ર દેશમાં ચર્ચા જગાવી હતી. ટેકઓફ બાદ થોડા જ પળોમાં એર ઈન્ડિયાની ફ્લાઈટ દુર્ઘટનાગ્રસ્ત થઈ હતી અને જેમાં પાયલટ સહિત 241 મુસાફરોના મૃત્યુ થયા હતા. આ ઘટનાએ ઘણી આંખો ખોલી દીધી છે અને લોકોમાં એક સવાલ ઉઠ્યો – “શું ફ્લાઈટમાં બેસતા પહેલાં એની હાલત જાણી શકાય છે?” જવાબ છે – હા, સંપૂર્ણપણે શક્ય છે.
આગળ શું કરવું – બસ ફ્લાઈટ નંબર યાદ રાખો
જ્યારે તમે કોઈ ફ્લાઈટ બૂક કરો છો ત્યારે તમને તેના ટિકિટ પર ફ્લાઈટ નંબર મળે છે (જેમ કે AI-147). આ નંબર વડે તમે પોતાની ફ્લાઈટ વિશે અનેક પ્રકારની માહિતી મેળવી શકો છો. નીચે જણાવેલ સ્ટેપ્સ ફોલો કરો:
સ્ટેપ 1: વેબસાઈટ પર જાઓ – Flightradar24 કે FlightAware
તમે www.flightradar24.com અથવા www.flightaware.com જેવી વેબસાઈટ પર જઈ શકો છો. ત્યાં તમારા ફ્લાઈટ નંબર દાખલ કરો. તમને તરત જ તે વિમાનનો સિરિયલ નંબર મળી જશે.
સ્ટેપ 2: planespotters.net પર વિમાનનો ઇતિહાસ જુઓ
મેળવેલ સિરિયલ નંબરનો ઉપયોગ કરીને તમે www.planespotters.net પર જઈને વધુ માહિતી મેળવી શકો છો. અહીંથી તમે જાણી શકો કે:
વિમાન કેટલી ઉંમરનું છે
કઈ કંપનીએ બનાવ્યું છે
તે પહેલાથી ઉપયોગમાં લેવાયેલું (સેકન્ડ હેન્ડ) છે કે નવું
અગાઉ કોના પાસેથી ચલાવાયું હતું
સ્ટેપ 3: જૂની કે સેકન્ડ હેન્ડ ફ્લાઈટ? થોડી સાવચેતી રાખો
જો તમને જણાય કે પ્લેન ખૂબ જૂનું છે અથવા બીજી એરલાઈનથી ખરીદવામાં આવ્યું છે, તો સાવધ રહેવું વધુ સમજદારીભર્યું રહેશે. આવી માહિતી તમારી શાંતિ માટે મહત્વપૂર્ણ છે – કારણ કે તમે જાણતા હોવ તો તમારી મનની ભીતિ ઘટી શકે.
સ્ટેપ 4: એરલાઈન્સના રેકોર્ડ ચેક કરો
જે એરલાઈનથી મુસાફરી કરવાના છો તેની વિમાન સુરક્ષા સંબંધિત માહિતી Directorate General of Civil Aviation (DGCA) દ્વારા ઉપલબ્ધ છે. ઉદાહરણ તરીકે, Google પર “Air India DGCA Safety Report” શોધો. તમને એ Airlineના ગયા વર્ષોમાં કેટલી વખત સુરક્ષા તપાસ થઈ, શું ભૂલ રહી વગેરે માહિતી મળશે.
બે મિનિટનો ચેક અપ, અનેક જીવ બચાવે
વિમાન મુસાફરીને આજે પણ વિશ્વની સૌથી સુરક્ષિત મુસાફરી માનવામાં આવે છે. પરંતુ આપની યાદદાશ્ત, જાગૃતિ અને થોડા ફાળવેલા મિનિટો તમારી યાત્રાને વધુ નિર્ભય અને સલામત બનાવી શકે છે.
ફ્લાઈટ બૂક કરતા પહેલા ઉપર જણાવેલી 3-4 સ્ટેપ્સ ફોલો કરશો તો તમે તમારી અને તમારા સ્વજનોની યાત્રા માટે યોગ્ય નિર્ણય લઈ શકશો – કારણ કે સલામતી પર કોઈ સમજૂતી ન ચાલે!
