મોરબીઃ મોરબી જિલ્લામાં સ્થાનિક સ્વરાજની ચૂંટણી દરમિયાન કાયદો અને વ્યવસ્થાની પરિસ્થિતિ જળવાઇ રહે તેમજ ચુંટણી દરમિયાન શાંતિમય વાતાવરણ જળવાઇ રહે તે માટે ગેરકાયદેસર ચાલતી પ્રવૃત્તીઓ ઉપર કાબુમાં લેવાઈ રહી છે. ચૂંટણી પહેલા જ મોરબીમાં ગેરકાયદેસરના હથિયારો સાથે ચાર લોકોને પકડી પાડવામાં આવ્યા છે.
મળતી માહિતી પ્રમાણે ખાનગી બાતમી આધારે હળવદ તાલુકાના જુના દેવાળીયા મોતીપરા પાણીના ટાંકા પાસેથી આરોપી મહેશભાઇ ઉર્ફે મુન્નો અમરશીભાઇ મકવાણા (ઉ.વ.રપ, ધંધો રિક્ષા ડ્રાઇવીંગ રહે.નવા દેવળીયા, કોળીવાસ, મસાણ છાપરીની બાજુમા તા.હળવદ જી.મોરબી) વાળાને ગે.કા.દેશી બનાવટની જામગરી બંદુક નંગ-૧, કિં.રૂ.૧૦૦૦/- સાથે પકડી પાડી આર્મ્સ એકટ મુજબ ધોરણસર કાર્યવાહી કરી હળવદ પોલીસ સ્ટેશનમાં ગુન્હો નોંધી આગળની કાર્યવાહી હાથ ધરી છે.
જ્યારે એસઓજીટીમની બીજી કાર્યવાહીમાં મોરબીના લીલાપર રોડ ઉપર હોથીપીરની દરગાહ પાસેથી પીસ્તોલ સાથે એક ઝડપાયો છે જેમાં પો.કોન્સ. સતિષ ગરચર તથા યોગેશ ગઢવીને મળેલ બાતમી આધારે મોરબી લીલાપર રોડ, હોથીપીરની દરગાહ પાસેથી આરોપી સિદીકભાઇ અબ્બાસભાઇ આગરીયા (ઉ.વ.૨૬, ધંધો વેપાર (ફર્નિચર) ૉ, રહે.હળવદ રેલ્વે સ્ટેશન રોડ, સુતાર સમાજની વાડીની બાજુમાં તા.હળવદ જી.મોરબી) વાળાને ગેરકાયદેસર દેશી બનાવટની પિસ્તોલ નંગ-૧, કિં.રૂ.૧૦,૦૦૦/- સાથે પકડી પાડી આર્મ્સ એકટ મુજબ ધોરણસર કાર્યવાહી કરી મોરબી સીટી એ ડીવીઝન પોલીસ સ્ટેશનમાં ગુન્હો નોંધાવ્યો છે આ કામગીરીમાં મોરબી એસ.ઓ.જી.પીઆઈ જે એમ આલ સાથે એ.એસ.આઇ. રણજીતભાઇ બાવડા તથા કિશોરભાઇ મકવાણા તથા પો.હેડ કોન્સ. રસિકભાઈ કડીવાર તથા પો.કોન્સ. ધર્મેન્દ્રવાધડિયા તથા સતિષ ગરયર, યોગેશ ગઢવી તથા વુમન લોકરક્ષક પ્રિયંકા પૈજા જોડાયા હતા.
જયારે મોરબી એલસીબીએ પણ મોરબીના રફાળેશ્વર અને મહેન્દ્રનગર એમ જુદી જુદી બે જગ્યાએથી બે ઇસમોને ગેરકાયદેસર હથિયાર સાથે પકડી પાડ્યા છે જેમાં મોરબી એલસીબી પીઆઇ વી.બી.જાડેજાની ટીમને ખાનગી બાતમી મળેલ કે મોરબી-વાંકાનેર ને.હા.રોડ રફાળેશ્વર ચોકડી પાસે એક ઇસમ પેન્ટના નેફામાં પીસ્તોલ રાખી ઉભેલ છે.
જેને પગલે પોલીસ ટીમ રફાળેશ્વર ચોકડી નજીક દોડી જતા ભુદેવ પાન નજીક સર્વીસ રોડ ઉપર ઉભેલ મીલનભાઇ રસીકભાઇ રામોલીયા (ઉ.વ. ૨૧ રહે. હાલ વરાછા વિસ્તાર, શ્રીજી સોસાયટી સુરત શહેર મુળ ગામ શાપર તાબગસરા જી.અમરેલી) વાળાની તલાસી લેતા તેના કબ્જામાંથી પિસ્તોલ નંગ-૦૧ કિં.રૂ.૧૦,૦૦૦/- નો મુદામાલ મળી આવતા આરોપીને પકડી પાડી તેની વિરૂધ્ધ મોરબી તાલુકા પોલીસ સ્ટેશન ખાતે આર્મ્સ એકટ હેઠળ ગુન્હો નોંધાવી આગળની કાર્યવાહી હાથ ધરી છે ત્યારે બીજી કાર્યવાહીમાં મોરબી મહેન્દ્ર નગર ચોકડી નજીક હળવદ રોડ પરથી દેશી હાથબનાવટનો લોખંડનો તમંચો નંગ ૦૧ કિં. રૂ.૫૦૦૦/- અને જીવતો કાર્તિસ એક કિંમત રૂપિયા ૧૦૦ મળી કુલ ૫૧૦૦/- રૂપિયાના મુદામાલ સાથે ધરપકડ કરી બીડીવિઝન પોલીસ મથકે ગુનો નોધી આગળની તપાસ હાથ ધરી છે.
ઉલ્લેખનીય છે કે મોરબી જીલ્લામાં હાલ આચાર સંહિતા લાગુ છે ત્યારે બીજી બાજુ આગામી 28 તારીખે એટલે કે રવિવારે મતદાન પણ છે જેને ગણતરી ના દિવસો જ બાકી હોય એ પહેલાં જ મોરબી પોલીસે સઘન પેટ્રોલિંગ પણ શરૂ કરી દીધું છે ત્યારે પકડાયેલા ચારેય આરોપીઓ યુવાન છે અને આ ગેરકાયદે હથિયારો કોની પાસેથી લઈ આવ્યા હતા અને આ ગેરકાયદેસર હથિયારનો ઉપયોગ ક્યાં ગુનામાં કરવાના હતા અને ભૂતકાળમાં આવા કોઈ ગુના આચરેલા છે કે કેમ એ અંગે સઘન અને ઝીણવટ ભરી તપાસ શરૂ કરી છે.