Gujarat Board Result : ધોરણ 10 અને 12ના પરિણામ ક્યારે જાહેર થશે? જાણો મે મહિનાની સૌથી મોટી અપડેટ
Gujarat Board Result : ગુજરાતમાં ધોરણ 10 અને ધોરણ 12ની બોર્ડ પરીક્ષાઓ પૂરી થયા પછી હજારો વિદ્યાર્થીઓ અને તેમના માતાપિતાની નજર હવે પરિણામની તારીખ પર ટકેલી છે. વર્ષ 2025ની બોર્ડ પરીક્ષાઓ આ વખતે સામાન્ય કરતાં થોડું વહેલા યોજાઈ હતી, પરંતુ તેમ છતાં પરિણામના દિવસ પર હજી અસ્પષ્ટતા છે.
આ વર્ષે પહેલાંજ પરીક્ષાઓ, તો પછી વિલંબ કેમ?
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSHSEB)એ પહેલીવાર ફેબ્રુઆરી મહિનામાં ધો.10 અને ધો.12ની પરીક્ષા યોજી હતી. સામાન્ય રીતે મે મહિનામાં પરિણામ આવે છે, પરંતુ હજુ સુધી તેનું જાહેરનામું આવ્યું નથી. વિદ્યાર્થીઓને એન્ટ્રન્સ પરીક્ષાઓ જેવી કે NEET માટે તૈયારી કરતી વખતે પરિણામની રાહ જોવી પણ મજબૂરી બની ગઈ છે.
NEET પરીક્ષાને ધ્યાને રાખીને લેવાય શકે છે નિર્ણય
આવતી 4 મેના રોજ NEET પરીક્ષા યોજાવાની છે, જે મેડિકલ, ડેન્ટલ અને આયુર્વેદ કોલેજોમાં પ્રવેશ માટે મહત્વપૂર્ણ છે. તંત્રનું માનવું છે કે જો બોર્ડ પરિણામ NEET પહેલાં આવી જાય તો વિદ્યાર્થીઓ પર મનોમેળ તણાવ વધી શકે છે. આ વાતને ધ્યાનમાં લઈને શક્યતા છે કે બોર્ડ પરિણામ 4 મે પછી જ જાહેર થાય.
આ વર્ષે કેટલાં વિદ્યાર્થીઓએ આપી પરીક્ષા?
ગુજરાત રાજ્યમાં ધોરણ 10ની પરીક્ષા માટે અંદાજે 8.92 લાખ વિદ્યાર્થીઓ બેઠા હતા, જ્યારે ધોરણ 12 સામાન્ય પ્રવાહમાં આશરે 4.23 લાખ વિદ્યાર્થીઓએ ભાગ લીધો હતો. ધોરણ 10 માટે 989 અને ધોરણ 12 માટે 672 પરીક્ષા કેન્દ્રો બનાવાયા હતા.
પરિણામ પર સૌની નજર?
બોર્ડનું પરિણામ માત્ર ડિગ્રીનું પ્રમાણપત્ર નથી – એ વિદ્યાર્થીઓના ભવિષ્યની દિશા નિર્ધારિત કરે છે. એ જ કારણે, દરેક વિદ્યાર્થી અને પરિવારજનોને પરિણામ અંગે સ્પષ્ટતા મળવી ખૂબ જરૂરી છે.
અપેક્ષા રાખીએ કે ધો.10 અને 12નું પરિણામ NEET પછી, મેના પહેલા અઠવાડિયામાં જાહેર થાય. હજુ સુધી બોર્ડ તરફથી કોઈ અધિકૃત તારીખ જાહેર થઈ નથી, પણ દરેક નવી અપડેટ માટે જોતા રહો.
