Gujarat Congress : ગુજરાત કોંગ્રેસમાં બદલાવની તૈયારી: 3 એપ્રિલે રાહુલ ગાંધી સાથે મહત્વપૂર્ણ બેઠક
Gujarat Congress : ગુજરાતમાં આવનારી મ્યુનિસિપલ કોર્પોરેશનની ચૂંટણી અને દેશવ્યાપી વિધાનસભા ચુંટણીઓને ધ્યાનમાં રાખીને કોંગ્રેસે સંગઠનમાં મોટા ફેરફાર કરવાની તૈયારી શરૂ કરી છે. પક્ષના મજબૂતીકરણ માટે ગુજરાત કોંગ્રેસ સંગઠનને વધુ અસરકારક બનાવવા ઉપાય કરવામાં આવી રહ્યા છે.
કોંગ્રેસની ઓલ ઈન્ડિયા સમિતિએ દેશભરમાં 700 જિલ્લા કોંગ્રેસ સમિતિના પ્રમુખો માટે 3 દિવસીય બેઠકનું આયોજન કર્યું છે. આ બેઠકમાં કોંગ્રેસના સંગઠનાત્મક માળખાને નવી દિશા આપવાનો ઉદ્દેશ્ય છે, જેથી પાયાના સ્તરે પક્ષને વધુ મજબૂત બનાવવામાં આવે.
ગુજરાતથી 33 જિલ્લા પ્રમુખો અને 10 શહેર પ્રમુખો 3 એપ્રિલે દિલ્હીમાં યોજાનારી આ બેઠકમાં હાજરી આપશે. બેઠકમાં લોકસભામાં વિપક્ષના નેતા રાહુલ ગાંધી, કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે અને સંગઠન મહાસચિવ કે.સી. વેણુગોપાલ હાજર રહેશે.
આમ, ગુજરાત કોંગ્રેસમાં મહત્વના ફેરફારોની શરૂઆત થઈ ગઈ છે, જે આગામી ચુંટણીઓમાં પક્ષની સ્થિતિને પ્રભાવિત કરી શકે છે.
