ગુજરાત ફીમેલ હેલ્થ વર્કર પરીક્ષા તારીખ 2022: ગુજરાત પંચાયત સેવા પસંદગી બોર્ડ, GPSSB એ ફીમેલ હેલ્થ વર્કરની જગ્યાઓ પર ભરતી માટે લેવાનારી પરીક્ષાની તારીખો જાહેર કરી છે.
જે મુજબ 26 જૂન 2022ના રોજ પરીક્ષા લેવામાં આવશે. પરીક્ષા સવારે 11 થી બપોરે 12 વાગ્યા સુધી લેવામાં આવશે. તમને જણાવી દઈએ કે ભરતી પ્રક્રિયા દ્વારા ગુજરાતમાં મહિલા આરોગ્ય કર્મચારીઓની કુલ 3127 જગ્યાઓ ભરવામાં આવશે.
અગાઉ, ભરતીની સૂચના 30 એપ્રિલ 2022 ના રોજ જારી કરવામાં આવી હતી અને અરજી પ્રક્રિયા 26 એપ્રિલ 2022 થી 10 મે સુધી હાથ ધરવામાં આવી હતી. જે બાદ હવે પરીક્ષા 26 જૂન 2022ના રોજ લેવામાં આવશે.
પરીક્ષા પેટર્ન
આ જગ્યાઓ પર ભરતી માટે 100 માર્ક્સની પરીક્ષા લેવામાં આવશે. જેના માટે ઉમેદવારોને 1 કલાકનો સમય આપવામાં આવશે. પરીક્ષામાં બહુવિધ પસંદગીના પ્રશ્નો પૂછવામાં આવશે. જેમાં જનરલ નોલેજમાંથી 20, અંગ્રેજી વ્યાકરણમાંથી 15, ગુજરાતી ભાષા અને વ્યાકરણમાંથી 15 અને ટેકનિકલ નોલેજમાંથી 50 પ્રશ્નો પૂછવામાં આવશે. દરેક પ્રશ્નમાં 1 માર્ક હોય છે.
