નવસારી પાલિકાપ્રમુખ ને ઉપ પ્રમુખે લાફો ઠોકી દેતા અફરા તફરી !

ભાજપ ના બે જુથો વચ્ચે ની કોન્ટ્રાવરસી ચરમસીમા એ પહોંચી. નવસારી જિલ્લાની વિજલપોર નગરપાલિકાની સભામાં પ્રમુખ અને ઉપપ્રમુખ વચ્ચે ઉગ્ર બોલાચાલી અને ઉપપ્રમુખે પ્રમુખ ને લાફો ઝીકી દેતા આ પ્રકરણે ભારે ચકચાર જગાવી હતી. વિજલપોર નગરપાલિકામાં કોંગ્રેસ ની વાત તો દૂર પરંતુ ભાજપમાં આંતરિક વિવાદ ચરમસીમા એ છે અને આજે તે વિવાદ વકર્યો હતો ,વિજલપોર શહેરને નવસારી શહેરમાં સમાવવા માટે ચર્ચા કરવા ખાસ સામાન્ય સભા યોજાઈ હતી જેમાં ચર્ચા ઉગ્ર બનતા ઉપપ્રમુખ સંતોષ પુંડકરે પ્રમુખ જગદીશ મોદી ને લાફો ઠોકી દેતા ભારે અફડાતફડી સર્જાઈ હતી. વિજલપોર પાલિકામાં ભાજપનાં જ અંદરોઅંદર ડખ્ખા ચાલે છે, ભાજપનાં ચૂંટાયેલા ૧૭ સભ્યોએ બળવો કરી અલગ જૂથ ઉભું કર્યું છે.આ બનાવ અંગે પોતાની પ્રતિક્રિયા આપતા વિજલપોર નગર પાલિકાના પ્રમુખ જગદીશ મોદીએ જણાવ્યું હતું કે, પોતાના વિરૂધ્ધ કિન્નાખોરી રાખવામાં આવી રહી છે અને અગાઉ એક વર્ષ પૂર્વ પણ પોતાનાં વિરૂધ્ધ અવિશ્વાસની દરખાસ્ત લાવવામાં આવી હતી. કોંગ્રેસના સભ્યો સાથે મળીને કાવતરાં કરવામાં આવે છે. આજે તમામ સભ્યોની ઉપસ્થિતિમાં પોતાના પર હાથ ઉપાડવામાં આવ્યો છે તે બાબતે પાર્ટી અને પોલીસ માં ફરિયાદ કરવામાં આવનાર છે.પ્રમુખ તોછડાઈથી વર્તન કરતા હોવાનુ ઉપપ્રમુખ અને લાફો મારનાર સંતોષ પુંડકરે જણાવ્યું હતું કે તેઓ એ ઉમેર્યું કે પ્રમુખ ભેદભાવ રીતે વર્તન કરતાં હતાં. અન્ય સભ્યોની સામે તોછડાઈથી વર્તન કરતાં હતાં. આ અગાઉ પણ તેમના વિરૂધ્ધ ફરિયાદો કરી હતી પરંતુ કોઈ પરિણામ આવ્યું ન હતું. જોકે રાજકારણીઓ ની આ ભવાઈ મીડિયામાં જાહેર થતાં નવસારી ની જનતામાં તેની વિપરીત અસર જોવા મળી હતી અને લોકોમાં નેતાઓ પ્રત્યે રોષ અને નારાજગી જોવા મળી હતી.