India Pakistan Border : ઓપરેશન સિંદૂર બાદ સુરક્ષા વધારાઈ: બનાસકાંઠાના સરહદી ગામોમાં બ્લેકઆઉટ, ભારતે પાકિસ્તાનના હુમલાઓનો આપી દીધો જડબાતોડ જવાબ
India Pakistan Border : પાકિસ્તાન તરફથી તાજેતરમાં ભારત પર થયેલા હવાઈ અને ભૂમિસ્થિત હુમલાઓ પછી દેશની અંદર સુરક્ષા ચાંપતી કરવામાં આવી છે. ગુજરાતના બનાસકાંઠા જિલ્લાના વાવ અને સુઈગામ તાલુકાના સરહદી 24 ગામોમાં અચાનક બ્લેકઆઉટ કરવામાં આવ્યું છે. વાવના 13 અને સુઈગામના 11 ગામો રાત્રી દરમિયાન અંધારપટમાં મુકાયા છે. જિલ્લાધિકારીએ સુરક્ષાને ધ્યાનમાં રાખી આ તાત્કાલિક નિર્ણય લીધો છે.
શા માટે થયો બ્લેકઆઉટ?
પાકિસ્તાન દ્વારા જમ્મુ-કાશ્મીર, રાજસ્થાન અને પંજાબના પઠાનકોટ જેવા વિસ્તારોમાં મિસાઈલ અને ડ્રોન વડે હુમલાઓ થયા હતા. જેથી સરહદી વિસ્તારમાં ભારતે રાત્રે અંધારાનું આયોજન કરી દ્રષ્ટિથી દૂર રાખવાનો પગલું ભર્યું છે. ખાસ કરીને ભારતના એર ડિફેન્સ સિસ્ટમે પાકિસ્તાની મિસાઈલ અને ડ્રોન હુમલાઓને સફળતાપૂર્વક નિષ્ફળ બનાવ્યાં છે.
જમીન પર ભારતનો મક્કમ પ્રતિસાદ:
પાકિસ્તાનના પઠાનકોટ એરબેઝ પર થયેલા મોટા હુમલા પછી ભારતે તરત જ પ્રતિસાદ આપ્યો. પાકિસ્તાનના ઘણા ડ્રોન અને મિસાઈલ પાથરાઈ નાંખવામાં આવ્યા. તો બીજી તરફ જમ્મુ, ઉધમપુર અને અખનૂરમાં પણ પાકિસ્તાન તરફથી ઘૂસણખોરી અને ગોળીબારી થઈ હતી, જેને ભારતે મજબૂત જવાબ આપ્યો.
સમગ્ર ઉત્તર ભારતમાં સાવચેતીના પગલાં:
પાછળથી જમ્મુ-કાશ્મીર નેશનલ હાઈવે બંધ કરવામાં આવ્યો છે. પંજાબ અને દિલ્હીમાં ચાલી રહેલી IPL મેચ રદ કરવામાં આવી છે. ફિરોઝપુરમાં બ્લાસ્ટ બાદ ધર્મશાળાની ફ્લડલાઈટ પણ બંધ કરી દેવામાં આવી છે. દરેક મહત્વના ઠેકાણે સુરક્ષા વધારવામાં આવી છે અને સ્ટેડિયમથી લઈને હાઇવે સુધી સતર્કતા વધારી દેવામાં આવી છે.
ઓપરેશન સિંદૂરનું પરિણામ:
પહલગામમાં આતંકી હુમલા પછી ભારતે પાકિસ્તાનની અંદર ઘુસી જઈને 9 આતંકવાદી ઠેકાણાં પર એર સ્ટ્રાઈક કરી. તેના બદલામાં 8 મેના રોજ પાકિસ્તાન તરફથી સતત હુમલાઓ કરવામાં આવ્યા, પરંતુ ભારતે તેને મજબૂત અને સફળ રીતે ટાળ્યા.
ભારત-પાકિસ્તાન વચ્ચે વધતી તંગદિલીને ધ્યાનમાં રાખીને ભારતે સર્વત્ર સાવચેતી અપનાવી છે. બનાસકાંઠા જેવા સરહદી વિસ્તારોમાં પણ રાત્રે બ્લેકઆઉટ કરીને કોઈપણ ભવિષ્યના જોખમ સામે સજાગ રહેવાનો પ્રયાસ થયો છે. ભારતીય સેના અને સુરક્ષા એજન્સીઓ સતત ચકાસણી અને રક્ષણની કામગીરી કરી રહી છે.
