INS Surat warship visit: સુરત માટે ઐતિહાસિક દિવસ: લડાકુ જહાજ INS પહોંચ્યું સુરત, દુશ્મન દેશો માટે એક શક્તિશાળી સંદેશ
INS Surat warship visit: સુરત શહેર માટે આજે એક ઇતિહાસિક દિવસ સાબિત થયો છે, કારણ કે ભારતીય નૌકાદળનું ટેક્નોલોજીકલ રીતે અદ્યતન યુદ્ધ જહાજ INS સુરત હાલમાં હજીરાના અદાણી પોર્ટ ખાતે આવી પહોંચ્યું છે. ભારતના સમુદ્રી પ્રતિરક્ષા તંત્રમાં મહત્ત્વપૂર્ણ સ્થાન ધરાવતું આ જહાજ હવે સુરતમાં બે દિવસ માટે રોકાવાનું છે.
ભારતીય નૌકાદળનું શક્તિશાળી પ્રદર્શન
દેશની સમુદ્રી સીમાઓની સુરક્ષા માટે નિર્મિત INS સુરત એ એક અત્યાધુનિક મિસાઇલ ડિસ્ટ્રોયર છે, જે સંપૂર્ણ રીતે ભારતમાં જ વિકસાવવામાં આવ્યું છે. પ્રધાનમંત્રી નરેન્દ્ર મોદીના હસ્તે લોન્ચ થયેલા આ જહાજે હવે પ્રથમવાર ગુજરાતની ધરતી પર પગ મૂક્યો છે. તાજેતરના સમયમાં ભારતની આસપાસ જે રીતે તણાવનું માહોલ છે—ચાહે તે ચીન હોય કે પાકિસ્તાન—INS સુરતનું આગમન એ સ્પષ્ટ સંકેત આપે છે કે ભારત કોઈપણ સંભવિત દુશ્મન સામે પૂરેપૂરો જવાબ આપવા તૈયાર છે.
હજીરામાં ઔપચારિક સ્વાગત અને જાહેર મુલાકાતની તક
INS સુરતનું હજીરા પોર્ટ પર ઔપચારિક સ્વાગત રાજ્યસભાના સાંસદ ગોવિંદ ધોળકિયા અને જિલ્લા કલેક્ટરે કર્યું. સામાન્ય નાગરિકો, NCCના કેડેટ્સ અને પોલીસ અધિકારીઓ માટે આવતીકાલે જહાજની અંદરની મુલાકાત લેવા માટે વિશેષ વ્યવસ્થા કરવામાં આવી છે, જેનાથી લોકો દેશની નૌસેનાની શક્તિને નજીકથી જોઈ શકે.
દુશ્મન માટે મજબૂત સંદેશ
બંદરો પરથી શરૂ થતાં તણાવભર્યા સંકેત વચ્ચે INS સુરતનું આ આગમન માત્ર ઔપચારિક વિઝિટ નથી, પરંતુ એ દુશ્મન દેશો માટે ભારત તરફથી એક કડક ચેતવણી છે. દેશના સમુદ્ર કાંઠે સુરક્ષા માટે ભારતમાં તૈયાર થયેલું આ લડાકુ જહાજ એ દર્શાવે છે કે ભારત પોતાની સંપ્રભુતા માટે કોઇપણ મૂલ્ય ચૂકવવા તૈયાર છે.
ટેકનોલોજી અને આત્મનિર્ભર ભારતનું પ્રતિબિંબ
INS સુરત માત્ર યુદ્ધ જહાજ નથી, પરંતુ એ ભારતની ટેકનોલોજીકલ કળા અને આત્મનિર્ભરતા તરફના પગલાનું પ્રતિબિંબ છે. રક્ષા ક્ષેત્રે સ્વદેશી ઉત્પાદન અને વૈજ્ઞાનિક પ્રગતિનું આ મજબૂત ઉદાહરણ છે.
